Sunday, August 19, 2007

သွေးဆာတဲ့ပန်း…


ပြတင်းတံခါးကို ခဏလောက်ပိတ်ထားပေးပါ
စိတ်တွေနယ်လွန်နေလို့
ငါမွှန်ထူနေခဲ့ပြီလား
ရင်ထဲမှာထင့်ခနဲဖြစ်
မျက်လုံးကိုဖွင့်ကြည့်တော့
ငါ့ရဲ့ ဖြူစင်မှုတွေ ငါ့ရှေ့မှာ ခေါင်းငုံ့နေကြတယ်…




အလင်းများကို ခဏလောက် ရုပ်သိမ်းပေးပါ
မျက်လုံးစိမ်းတွေကို ရင်မဆိုင်ရဲလို့
ငါယိုင်နဲ့နေခဲ့ပြီလား
အတ္တတွေအလန့်တကြားဖြစ်
ကိုယ့်ကိုယ်ကိုပြန်ဆန်းစစ်ကြည့်တော့
ငါ့ရဲ့အလွမ်းတွေ ငါ့ရှေ့မှာ ပြန့်ကြဲနေကြတယ်…



ချစ်ခြင်းတရားတွေ ခဏလောက်မျှဝေပေးပါ
ငါနေရမှာ တိုတောင်းလွန်းလို့
ကွန်းခိုရာပျောက်ဆုံးနေခဲ့ပြီလား
အရှုံးတွေနဲ့ ငါကျန်ရစ်
မှန်ထဲမှာ ငါ့ကိုယ်ငါပြန်ကြည့်ဖြစ်တော့
ငါ့ရဲ့ နှလုံးသားမှာ သွေးစွန်းနေတယ်



စာနာမှုတွေ ခဏလောက်ရှေ့တန်းတင်ပေးပါ
ဘ၀င်မကျနိုင်လွန်းလို့
ပြိုင်ဆိုင်မှုတွေနဲ့ အချစ်ကိုအရောင်ဆိုးချင်တာလား
ရိုးရိုးလေးနဲ့ပဲ ထားခဲ့ပါအချစ်
အားနာတယ်ဆိုတဲ့ စကားလေးတောင် မပြောခဲ့နဲ့နော်
မင်းရဲ့ဘ၀အမောတွေ တဒင်္ဂချွေးသိပ်နိုင်ဖို့
နီစွေးနေတဲ့ ငါ့နှလုံးသားထဲက အနမ်းပန်းလေးတွေ ကြဲချခဲ့မယ်
ရှေ့ဆက်လန်းဆန်းပါစေ ပန်းလေးတစ်ပွင့်ရယ်…





ဆက်ဖတ်ရန်...

Thursday, August 9, 2007

လမင်းကိုစိတ်ကောက်တဲ့ည...



ဆည်းလည်းသံ ညင်သာနဲ့
နံရံပေါ်မှာ အရိပ်တစ်ချို့ကလို့ခုန်
အိပ်မှုန်စုံဖွားဖြစ်နေတဲ့ ငါ့မျက်လုံးကို ပွတ်သပ်ရင်း
ကပျာကယာ ပြုံးပြလိုက်တော့
စေ့ဟထားတဲ့ တံခါးပေါက်ကနေ လှစ်ခနဲ
အချစ်ပြေးထွက်သွားခဲ့တယ်
ဒီည လမင်းကို ငါစိတ်ကောက်မိတယ်…

ဆက်ဖတ်ရန်...

Sunday, August 5, 2007

မိုး

တဖြောက်ဖြောက်နဲ့ …..

မသိစိတ်ထဲ သူမဝင်ရောက်ခဲ့၊

အစက်အပျောက်တွေကြား

ငါ့..ခန္ဓာ ပျောက်ဆုံးခဲ့တယ်။

တိမ်ငိုသံလား….

သဘာဝရှိုက်သံလား…

သေချာတာက

ငါကိုယ်တိုင် ရွာချလိုက်မိတယ်။


လွမ်းစရာမရှိတဲ့ ဘဝမှာ

လွမ်းခွင့်မပေးသူကိုဘဲ

မိုးစက်တွေနဲ့အတူ

အဖြူထည်ပဲလွမ်းတယ်။


မိုးရွာရင် အရင်ကဆိုပျော်မြူး

အခုတော့ ငါ့နှလုံးသားစူးခနဲ၊

ကောင်မလေးရယ်….

မိုးရေထဲမှာငါ…

မရူးပါရစေနဲ့။

မိုးရွာလို့ ပျော်နေသူတွေရှိသလို၊

ထီးမပါလို့ ငိုချင်သူတွေလည်းရှိမယ်။

သေချာတာက

ငါ့လိုပဲ

သူဘာသူ စီးဆင်းနေမှာ။


မိုးရေထဲမှာ….

ဘဝနဲ့ ဖက်နေသူတွေရှိသလို၊

ယစ်မူးခြင်းနဲ့ ဖက်နေသူတွေလည်းရှိတယ်။

ငါကတော့….

မျှော်လင့်ခြင်းဆိုတာပဲ ဖက်တွယ်နေမိရဲ့။


မိုးရွာလို့ပွင့်တဲ့ပန်း၊

မိုးရေထဲမှာပဲ

ရင်ဘတ်တစ်စုံနဲ့…..

သူမကို

ပန်ပေးလိုက်ချင်တယ်။ ။

ဆက်ဖတ်ရန်...

အထက်တန်းကျတဲ့ ဘလော့ဂါ

အမှန်တွေပါကွယ်
ဘလော့ဂါဆိုတာ နည်းပညာရဲ့
သန္ဓေသားပေါ့
ခံစားချက်တော့ရှိတယ်
မာယာကို သိတယ်
ညာတာကိုလည်း သိတယ်
ရှိချင်တဲ့နေရာမှာ ရှိနေကြတယ်
သိချင်တာတွေကို သိနေကြတယ်
ငြိချင်ရင်လည်း ငြိကြဦးမယ်
ပြီးတော့လည်း

ကိုယ်သိတာ ကိုယ်တင်ပြ
ညတွေ နေ့တွေရှိမနေကြပါဘူး
အထူးအဆန်းပဲဖြစ်ဖြစ်
အရူးအနှမ်းပဲဖြစ်ဖြစ်
ချစ်စွာသော ပရိတ်သတ်အတွက်
အခက်အခဲများကြား
ကြိုးစားပမ်းစား တင်ဆက်လို့ထားကြပေါ့
အလကားမတ်တင်း ပြသထားတော့
အပေါစားလို့လဲ ထင်ကြပြန်မယ်
တောသားဟန်နဲ့ လာမလည်ကြနဲ့
ရိုးသားတဲ့ ဘလော့ဂါဆီကနေ ခိုးခိုးမသွားကြနဲ့
နည်းနည်းဖြစ်ဖြစ် အားနာရစ်ကြပါ .. ။ (ကိုဖြိုး)

ဘလော့ဂါရဲ့ အတ္တ
ခင်ဗျားတို့ သိချင်မှလည်း သိမယ်
သူ့ဆီကိုလာ ခွင့်ပြုထားရင်
လိုရာယူသွား
အငြင်းမပွားဘူး
အချင်းလည်းမများဘူး
သူစဉ်းစားနေတာက
သူ့ရင်တွင်းက စေတနာ
စော်ကားသွားတာ ရင်နာစရာ
လူချင်းမတွေ့ အွန်လိုင်းပေါ်မှာ
ငါလုပ်တာတွေ မသိနိုင်ပါဘူး
ဒီလို ဒီလို အရူးတစ်ချို့
မနှစ်မြို့စရာ
ဟိုမှာ ဒီမှာ
ရောနှောလာတဲ့အခါ
ကိုယ့်လမ်း ကိုယ်လှမ်း
လျှောက်လိုက်စမ်းပါဗျာ
ခွေးဟောင်တိုင်းသာ ရွေ့ရပါမူ
ဘယ်မှာ တောင်ကုန်း ရှိလိမ့်မတုန်း (ကိုမျက်လုံး)

ဘလော့ဂါ ရဲ့မှတ်တမ်းမှာ
အရောင်ဆိုတာရှိခဲ့ရင်
ဦးနှောက်ဆဲလ်တွေဖောက်ထုတ်
စနစ် သွေလွဲတဲ့
အသစ်တွေပဲ ကျန်ခဲ့မယ်..
အကြမ်း အရမ်း အလွမ်းများနဲ့
ခမ်းခမ်းနားနားရှိချင်မှရှိမယ်
ဆန်းပြားဖို့မလို
ကာရန်မချို
စာသံပေသံမပို
ကာလံဒေသံမလိုက်
(ဘယ်သူ) ကြိုက်ကြိုက်မကြိုက်ကြိုက်
အလိုက်အထိုက် ရွက်မလွှင့်
ဥာဏ်စဉ်မြင့်တဲ့တရားမှာ
စိတ်တွေကို ကိုယ်တိုင်နာတော့
ရင်ဘတ်ဆိုတာ တစ်ခုတည်းရှိတယ်
အဲဒီ .. ရင်ဘတ်က ရိုက်မောင်းလိုက်တဲ့
ဘလော့ကျောင်းဝင်းထဲမှာ
ဘလော့မြင်းကိုစီး
ကိုယ့်ခရီးကိုယ်နှင်ကြတော့
လမ်းကဖြင့် အရှည်ကြီးရယ်.. (မပန်ဒိုရာ)

အဲ့လိုနဲ့ပဲ...
ငါတို့ ဘလော့ကြတယ်
တချို့တွေက ဖိုင်ဘာအော့ပတစ်ကို ဖင်ခုထိုင်လို့
တချို့ကတော့ စိတ်တွေကို ဆွဲဆန့်လို့
ဖြစ်နိုင်ပါတယ်
ထရိုဂျင်မြင်းရုပ်ကြီးစီးပြီးလည်း ဘလော့ကြတယ်။
တခါတခါ …
ငါမှန်ပြီး မင်းမှားတာကိုပြောဖို့အတွက်
မိုးတစ်လုံး
ပြီးတော့လည်း လေတစ်လုံးနဲ့
ဘလော့ကြတယ်..
ဘာပဲပြောပြောပေါ့လေ..
ဒါဘ၀င်လေဟပ်တာ မဟုတ်ဘူး
တခါတလေတော့
ဟုတ်မိချင်လည်း ဟုတ်မိမယ်.
ဒါပေမဲ့ ငါတို့တတွေ
ရန်ဖြစ်ပြီးရင်လည်း ပြန်ချစ်ကြတယ်.
သီအိုရီတစ်ခုလို ပြောရရင်
ရိုးသားမှုဟာ အောက်တန်းမကျဘူး
ယုတ္တိဗေဒနဲ့ ပြောကြပါစို့
အောက်တန်းမကျတဲ့စာတွေမို့လို့
အထက်တန်းကျတယ်..
ယုံချင်ယုံမယုံချင်နေလေ
ကြေးစား ရေးသားနေတာ မဟုတ်တော့လည်း
ရင်ဘတ်တွေနဲ့ပဲ တွေးပြီး ဘလော့ရေးကြတယ်...။ (Anonymous)

ဘလော့ဂါတွေရဲ့ မှတ်တမ်းမှာ
အတ္တမဲ့တဲ့ စေတနာတွေလဲပါတယ်
အတ္တတွေနဲ့ စီးချင်းထိုးတဲ့
အသိတရားတွေရဲ့ ဗျူဟာလဲပါတယ်
ရည်ရွယ်ချက်တွေ ကြီးမားစွာမပါတဲ့
ပေါ့ပေါ့ပါးပါး စိတ်ဖြေစရာတွေလဲပါတယ်
အတ္တတွေနဲ့ ပြည့်သိပ်နေတဲ့
မြည်းချင်စရာတွေလဲ ပါချင်ပါလိမ့်ဦးမယ်
အတ္တတွေကို ၀ှက်ကွယ်ထားတဲ့
သူယောင်သီးတွေလဲ ပါချင်ပါလိမ့်ဦးမယ်
ယူတတ်သူရတဲ့ ဟောဒီလောကမှာ
အသိဉာဏ် တိုးစရာတွေလဲရှိရဲ့
သံဝေဂ ယူစရာများလည်း ငြိခဲ့
(ပျော်ပျော်ပါးပါး ပါပဲ)
ဘလော့ဂါတွေရဲ့ လောကမှာတော့
မယူတတ်ကြသူတွေက ကမ်းတဲ့လက်ကို ပုတ်ချကြလဲ
အမိုက်အမဲပဲမို့ သနားလိုက်ကြတာပေါ့ကွယ်
ယူတတ်သူတွေရဲ့ အားပေးစကား
အားဆေးလိုစားလို့ အားမွေးလိုက်ကြတာပေါ့ကွယ်
ကိုယ်လိပ်ပြာကိုယ်လုံလို့ကတော့
(ငါတို့ဟာ .. ) စစ်ကိုင်းပဲရောက်ရောက်
ငါ့မြင်းငါ စိုင်း လိုက်စမ်းမယ် (ဟိုင်း!!!) (ခွန်မြလှိုင်)

ဘလော့ဂ်ဆိုတာ.....
ဘာလဲလို့
ရှင်းပြမနေပါဘူး
သုံးဖူးရင် သိလိမ့်မယ်
ဘလော့ဂါဆိုတာကတော့
ဘလော့ဂ်ရေးသူကို မှာပေါ့
လူပြိန်းတွေကတော့တွေးကြမယ်....။
ဘလော့ဂါတွေရဲ့ အတွေးထဲမှာ
ကောင်းတာတွေ စဉ်းစားထားတယ်
မကောင်းတာလဲ ပါချင်ပါမယ်...
အတ္တတစ်ချို့ ရောလို့ထားတယ်
လောင်မြိုက်နေတဲ့ ဒေါသများလဲရှိမယ်
တစ်ခါတစ်လေ သည်းခံ
တစ်ခါတစ်လေ ရန်ဖြစ်
ဒါတွေဟာ ဘ၀ဇာတ်ခုံတစ်ဖြစ်လဲ
ဘလော့ဂ်ဇာတ်ရုံပါပဲ...။
တစ်ခါတစ်ခါ
တိုးတိုးကြိတ်ကြိတ်ကြည့်ပြီး
ရိုးတိုးရိပ်တိတ် လာပြောသွားမယ်
ရန်စတာလဲ ခံရနိုင်တယ်
ကြိတ်ကြိတ်တိုးနေ့တွေ ရှိသလို
ကိုယ်တစ်ယောက်တည်း
ငေါင်တောင်တောင် ရက်တွေလည်း
မနည်းခဲ့ဘူးကွယ်..။
ဝေဖန်မှုတွေလဲ ပါချင်ပါမယ်
ချီးမွမ်းသံတွေ လိုသလောက် ရချင်မှလဲရမယ်
ဘလော့ဂ်ဆိုတာ ဘာလဲ
လာမမေးကြပါနဲ့
လုပ်ကြည့်ပါ အဖြေသိလာလိမ့်မယ် ... ကွယ်။ (ညလေး)

ဘလောဂ့်တဲ့.. ငါ့အတွက်တော့
သံယောဇဉ်ရစ်ပတ်
(ဒီ) အထပ်ထပ်ကွန်ရက်ထဲ
နေ့ ည မှားနေသူများနဲ့မိတ်ဖွဲ့ ရင်း ..
ဖလှယ်သော အတွေးအခေါ်တွေ
မျှဝေသော အသိပညာတွေ
စာနာသော ခံစားချက်တွေ
နူးညံ့သော ခင်မင်တွယ်တာခြင်းတွေ
လွတ်လပ်သော ခံယူချက်တွေနဲ့
အချိန်တွေနောက်ပြေးလိုက်ရင်း
ရင်တွင်းတွယ်ငြိ ဤဘလောဂ့်လောကရှိ
ဘလောဂါ့ရောင်းရင်းများနှင့်
ငါတို့၏ ဟစ်ကြွေးသံများ ကမ္ဘာကုန်တည်စေသော်။ (ဂျစ်တူး)

အင်တာနက် ဥယျာဉ်ကြီးထဲမှာ
အနံ့ပေါင်းစုံသင်းပါတဲ့ ဘလော့ပန်းလေးတွေ ဝေဆောနေတယ်

စေတနာ နဲ့ မေတ္တာပန်းတွေလည်းပါမယ်
အကြင်နာနဲ့ ဂရုဏာပန်းတွေလည်းပါမယ်
နည်းပညာနဲ့ ရင်တွင်းဖြစ်ပန်းတွေလည်းပါမယ်

ဒီလိုဝေဆာနေတဲ့ပန်းမျိုး
ဖျက်ဆီးဖို့ မင်းတို့ မကြံလိုက်လေနဲ့

စည်းလုံးခြင်းရဲ့ အင်အား
စုကာပြစို့လား မြန်မာဘလော့ဂါများ။ (CMS)

လွပ်လပ်ခြင်းရသအတွက်
ငါတို့ရိုးသားစွာစာဖွဲ့တယ်
ဒါဟာဘလော့ခြင်းရဲ့အနှစ်သာရ
ရာစုသစ်ရဲ့ရူးသွပ်မှုအသစ်
အဲဒါဟာအနုပညာဖြစ်လိမ့်မယ်
သင်တို့အားလုံးချစ်လို့မုန်းလို့ရတယ်
အဲဒါဟာငါတို့ရဲ့အဆုံးအရှုံးမဟုတ်ဘူး
လမ်းတွေကအလျားရှည်တိုင်း
ငါတို့စိတ်တွေတွန့်ဆုတ်မသွားဘူး
အမှန်တရားနေ့သစ်ဆီရောက်ဖို့
ဘလော့ဂါတွေရဲ့အလံသစ်ဟာ
အစစ်အမှန်လွှင့်ထူထားပြီ…။ (မိုးလှိုင်ည)

ငါတို့တွေဘလောက်ကြတယ်
ရည်ရွယ်ချက်ကိုယ်စီနဲ့
တစ်ချို့တွေကလည်း ဖွင့်အန်ဖို့
တစ်ချို့တွေကလည်း စီးမျောဖို့
တစ်ချို့ကတော့ ၀င့်ကြွားဖို့
လှိုင်းကိုယ်စီမှာ စီးမျောရင်း
တစ်ခါတစ်လေ တိုက်မိ
တစ်ခါတစ်လေ ခိုက်မိ
တစ်ခါတစ်လေလည်း ဖိုက်မိ
နောက်ဆုံးတော့ ဘလောက်ဂါဆိုတဲ့
ခေါင်းစဉ်အောက်မှာ ငါတို့တိုးဝင်ရင်း
ဘလောက်စာမျက်နှာတွေပေါ်ကနေ
ရင်ဘတ်ချင်းရင်းနှီး
သံစဉ်ချင်းညှိကြနဲ့
ရုန်းထွက်လို့မရတဲ့
အ၀န်းအ၀ိုင်းထဲကို
ငါတို့ဝင်လိုက်မိတယ်..
ငါတို့တစ်တွေ..
ညီနောင်ဘလောက်ဂါများ.... (ဘာညာ)

အထက်တန်းကျစွာ ဘလောဂ်ရေးခြင်းတဲ့
ညခင်းတွေရဲ့ နီယွန်မီးပြင်းတွေ အလယ်
အဓိပ္ပယ် ဖွင့်ဆိုရခက်နေလဲ
တပ်မက်တဲ့ စိတ်တွေနဲ့
ဘလောဂ်တွေထဲ ကိုယ်လျှောက်သွားတယ်…။

ချိုတခါ၊ ခါးတလှည့်၊
ညိုတခါ၊ ငိုတလှည့်၊
ခံစားချက်စုံ ပန်းရုံတောလို
ကိုယ်နဲ့သင့်မယ့်ပန်း၊ ကမ်းတဲ့အခါကမ်း
လှမ်းတဲ့ အခါလှမ်း၊
မှီတဲ့အခါထိ၊ မမှီတဲ့အခါလည်းရှိရဲ့
တွေးတထိသိ၊ မရှိတဲ့ခါ ကျော်
ဘလော့ဂါတွေဟာ ….
တကယ်တော့…….လူတော်တွေပါ။
တဒင်္ဂတွေ့ခိုက် သဒ္ဒါတရားတွေ
အိုင်ဒီယာသစ်တွေ၊ စေတနာတွေ၊
ဝေမျှမှုတွေ၊ ဖြန့်ဝေမှုတွေ
ဆင့်ပွားယူမယ်.. မလိုလဲပစ်
လိုတော့လဲအသစ်ပေါနော့်….။
တဒင်္ဂတွေ့ခိုက်၊ ချစ်လိုက်ကြပါ
မုန်းပြီးပြန်ချစ်၊ ဘ၀သစ်တွေမှာ
ပြန်ဆုံချင်ပါတယ်ဆိုတောင်မှ
ဆုံခွင့်ကြုံခွင့် သင့်ချင်မှ သင့်တော့မှာမို့
သံစဉ်မညီ၊ တွေးခေါ်စုံညီလို့
နားလည်မှုတွေ စုကာစည်းလို့
တခဏကြုံရင်ပဲ (ငါတို့) ရင်ခုန်ကြမယ်…
အို…ရောင်းရင်း ဘလော့ဂါတို့ရယ် (တပြည်သူ အိမ့်ချမ်းမြေ့)

ခံစားချက်တွေ
ဘလော့ဂ် ရပ်ဝန်းမှာ ရှိတယ်
ယုံကြည်ချက်တွေ
ဘလော့ဂ် ရပ်ဝန်းမှာ ရှိတယ်
တိုင်းပြည်အတွက် စေတနာတွေ
ဘလော့ဂ် ရပ်ဝန်းမှာ ရှိတယ်
တွဲလက်တွေ
ဘလော့ဂ် ရပ်ဝန်းမှာ ရှိတယ်
အတွေ့အကြုံ
ပျော်ရွှင်မှု
ဝေမျှမှု
စည်းလုံးမှုနဲ့
ချစ်ကြည်ရင်းနှီးမှုတွေ
သံယောဇဉ်တွေ
...............
........
ကျွန်တော်တို့ ဘလော့ဂ် ရပ်ဝန်းမှာ ရှိတယ်။
ဒီမှာ မိတ်ဆွေ.....
ဘာကို မကျေနပ်ပါသလဲ
ကျွန်တော်တို့ ဘလော့ဂ်ရပ်ဝန်းမှာ ရှိနေတယ်။ (ခွန်မောင်)

ရည်ရွယ်ချက်တွေ အကောင်ထည်ဖော်ဖို့
ဝမ်းနည်းမှုတွေ ဖြေဖျောက် ကြဖို့
အစာမကြေတာတွေ ထွေးအန်စေဖို့
ပျော်ရွှင်မှုတွေ ဝေမျှကြဖို့
ဒီနေရာ မှာ တို့ ဆုံမိကြတယ်
နားလည်မှုတွေ ဖေးမမှုတွေ
အကြင်နာတွေ စေတနာတွေ
ရည်မှန်းချက်တွေ
ဒဏ်ရာတွေ ဝေဒနာတွေ
ကိုယ်စီထွေးပွေ့
မတူတာညှိ
တူတာ ပီတိနဲ့
လဲရင်ထူပေး
မြဲရင် အတူပြေးနဲ့
ငါတို့ ရှေ့ဆက်ကြမယ်..
လာသူငယ်ချင်း... လက်ချင်းတွဲထား
ရှေ့ခရီးများ.. ဝေးတော့ဘူးကွယ်... (သဲလေး)

ငါချက်တဲ့ ဟင်းတခွက်
တချို့ကတော့ အစပ်အဟပ်တည့်
တချို့ကတော့ အပြတ်အသတ်မဲ့
မချက်တတ်ချက်တတ်နဲ့ ငါ့ဟင်း
စားသုံးသူ ရှိနေလေတော့
ငါ… ဘလော့ဂ်ရေးတယ်။
တခါတလေလဲ
စကားလုံးတွေက
ပန်းခက်တွေဖြစ်လိုက်
လွမ်းချက်တွေ ဖွင့်လိုက်
ကြည်နူးစရာကောင်းလိုက်ပုံများ
ဟော…
စီးချင်းထိုးကြပြန်တော့လဲ
မြားအစင်းစင်းခမယ့်ဟန်
တအားအတင်း ငြင်းကြရပြန်တော့
ငါ… ဘလော့ဂ်ရေးတယ်။
ဟေ့…
အဝေးကိုတော့ မပြေးစမ်းပါနဲ့
ဟောဒီမှာ …
မင်းခံစားချက်၊ မင်းယုံကြည်ချက်
မင်းရပ်တည်ချက်၊ မင်းဖွင့်ဟချက်
ဒါတွေကို နားလည်ပေးနေသူတွေ
အများကြီး…
လာစမ်းပါကွာ… ဟိုးရှေ့မှာ ပန်းတိုင်ရှိတယ်
ဒီလိုနဲ့ပဲ…
ငါ… ဘလော့ဂ်ရေးတယ်။ (ကလိုစေးထူး)

တစ်ချို့ဆို မနာလိုတွေ ဖြစ်ကြ
ဆဲသွားကြ ဆိုသွားကြ
(ဒါကို) နာလိုခံခက်နဲ့ဒေါသတွေမဖြစ်ခဲ့ပါဘူး
ဘလောဂါဆိုတာကလည်း
လူထဲက လူတွေဘဲမို့
တစ်ခါတစ်ခါမှာစေတနာ ဇောနဲ့
ပြောမိမှားတာလည်းရှိချင်ရှိမယ်..
အမှားကို အမှန်ပါလို့
တစ်ခါမှ မထုတ်ဖော်ခဲ့တာ
တို့ဘလော့ဂါများပါဘဲ
သမိုင်းအတွက်တော့မရည်သန်ပါဘူး
ရည်ရွယ်တာကအမှန်တရားပါဘဲ
ရိုးသားစွာ သိက္ခာရှိမယ်ဆိုရင်တော့
ပုဆိုးခြုံထဲက လက်သီးပုန်းပြနေမယ့်အစား
ရဲဝံ့စွာ ထွက်ရင်ဆိုင်လိုက်ပါလား
ငါတို့ ဘလော့ဂါတွေက
တုန်လှုပ်မယ် ထင်သလား
အရာရာကို ရင်ဆိုင်ဖို့အတွက်
ကြိုတင်ကာ ပြင်ဆင်ထားတဲ့
အမှန်တရား ဘက်တော်သား......။ (ကျော်ဇေယျ)

ငါ့ကိုယ်ထဲစီးဝင်နေတဲ့
လွတ်လပ်ချင်တဲ့ဝိဥာဉ်တစ်ခု
စည်းတွေ ဘောင်တွေနဲ့ ကျွမ်းဝင်မှုမရှိခဲ့ဘူး …
တားဆီး ကန့်သတ် ဖြတ်တောက်ထားမှုတွေကြားမှာ
မီးတောက်တစ်ခုလို ဟိုယိမ်းဒီထိုး
စိတ်တွေကို ပုံသဏ္ဍာန်အမျိုးမျိုး ပြောင်းနေရတာမုန်းတယ်
လွတ်လပ်ခြင်းတစ်ခုနဲ့ပေါက်ကွဲ
ငါ့ရဲ့ ကူသူမဲ့ အလဲအကွဲတွေထဲမှာ
စကားလုံးတွေက သွေးတွေလိုရဲနေနိုင်တယ် …
အဲဒီ့လိုပဲ …
မဲ့ပြုံးတွေကိုမွေးဖွားတဲ့ မြင်ကွင်းတွေ
သက်ပြင်းတွေကိုမွေးဖွားတဲ့ သတင်းတွေ
နောက် …
တောက်ခေါက်သံတွေကိုဖြစ်စေတဲ့ အဖြစ်အပျက်တွေနဲ့
ငါ့ကဗျာတွေ မလှမပအသက်ဝင်နေနိုင်တယ် …
ပြီးတော့ …
လူသားခန္ဓာမှာ စိတ္တဇ၀ိဥာဉ်တွေဝင်ပူး
နှလုံးသားမှာ အတ္တဆူးတွေ ဆူးနေကြတဲ့
လူအချို့ရဲ့ ပုံရိပ်တွေအတွက်
သရော်လှောင်ပြောင်မှုတွေ
ငါ့စာတွေထဲမှာ ပါဝင်နေနိုင်တယ် …
ဒါကြောင့်လဲ …
စည်းဘောင်တွေနဲ့ မတင်းကျပ်တဲ့ နယ်မြေတစ်ခု
ငါ့အတွက် အသေအချာကိုလိုအပ်လာတယ် …
အဲဒါ … ကျွန်တော်လွတ်ကျခဲ့တဲ့ မြို့တော် ဖြစ်တယ်။ (နေဘုန်းလတ်)

ဘလော့ဂ်ဂါရဲ့ ၀င်သက်ထွက်သက်ဟာ
ခေတ်ဟောင်းက ရေဒီယိုတစ်လုံး မဟုတ်ဘူး
အရောင်အသွေးစုံတဲ့ တီဗွီတစ်လုံး မဟုတ်ဘူး
ပုံရိပ်တွေ ရာထောင်ချီရိုက်ကူးနိုင်တဲ့ ဒစ်ဂျစ်တယ်ကင်မရာတစ်လုံး မဟုတ်ဘူး
အင်တာနက်နဲ့ ချိတ်ဆက်ထားတဲ့ ကွန်ပျူတာ တစ်လုံးသာဖြစ်တယ်
ဘလော့ဂ်ဂါရဲ့ ဘာသာစကားဟာ
ကဗျာတစ်ပုဒ် ဖြစ်ချင်ဖြစ်မယ်
အက်ဆေးတစ်ပုဒ် ဖြစ်ချင်ဖြစ်မယ်
စိတ်ထဲပေါ်လာသမျှ ချရေးလိုက်တဲ့ အတွေးအပိုင်းအစ ဖြစ်ချင်ဖြစ်မယ်
ခင်ဗျားတို့တွေ တစ်ခါမှ မတွေးမိတဲ့ အသစ်တစ်ခုလည်း ဖြစ်ချင်ဖြစ်မယ်
ဘလော့ဂ်ဂါဟာ
လှောင်ပိတ်ထားတဲ့ နေရာမှာ မပျော်ဘူး
မွန်းကျပ်တဲ့ နေရာမှာ မပျော်ဘူး
မှောင်မိုက်တဲ့ နေရာမှာ မပျော်ဘူး
ထွက်ပေါက်မရှိတဲ့ ဖိနှိပ်မှုအောက်မှာ မပျော်ဘူး
ဘလော့ဂ်ဂါဟာ
လွတ်လပ်စွာ ရေးတယ်
အချုပ်အနှောင်မဲ့စွာ ရေးတယ်
ဘောင်တွေကို ဖောက်ထွက် ရေးတယ်
စိတ်ကို မြက်ခင်းစိမ်းတွေထဲ လွှတ်ပြီး ရေးတယ်
အာရုံနံပါတ် (၆) နဲ့ တိမ်နံပါတ် (၉) ပေါ်တက်ပြီး ရေးတယ်
ရေအသက် တစ်မနက်တဲ့
ဘလော့ဂ်ဂါရဲ့ အသက်ကတော့ အင်တာနက်သာဖြစ်တယ်..။ (ခေလွန်း)

လွတ်လပ်တဲ့ ဒီနေရာမှာ
လွတ်လပ်တဲ့ အသီးတွေ
ငါ .. ပျိုးတယ်
စိတ်တူသူငယ်ချင်း အချို့နဲ့
လွတ်လပ်မှုတွေ ငါမျှဝေတယ် ..
ငါလုပ်နိုင်တာနဲ့ ငါလုပ်တတ်တဲ့ အရာမှာ
စည်းတွေ လာမချနဲ့
ဘောင်တွေ လာမခတ်နဲ့
ချိုတဲ့ အသီးတွေက
တစ်ခါတလေမှာ ခါးတတ်တယ် ..
လွတ်လွတ်လပ်လပ် စားသုံးချင်သူတွေအတွက်
ဒီနေရာမှာ
လွတ်လပ်မှုတွေကိုပဲ ငါစိုက်ပျိုးထားတယ် .. (နိုင်းနိုင်းစနေ)

ဘလော့ဂ်ဝိညာဉ်တစ်စက်
ခြင်္သေ့တစ်ကောင်ရဲ့ အသက်ဖြစ်စေ
ဟောဒီ တောအုပ်ထဲမှာ ငါနေတယ်။

ဘလော့ဂ်ဂါတွေ စည်းလုံး
စုစုရုံးရုံး
ဟောဒီ အင်တာနက်တခုလုံး တပြုံးပြုံးနဲ့လေ။

ဘလော့ဂ်ခြင်းမှာ နစ်မျော
ငါပြောချင်တာ
ငါ့ဘ၀နဲ့ ငါ့လူမျိုးအကြောင်းပဲဖြစ်တယ်။

တ၀ုန်းဝုန်း တဒိုင်းဒိုင်းနဲ့ ရေးခြစ်
ငါ့ဘလော့ဂ်တစ်ခုလုံး ဖြစ်ချင်ရာဖြစ်စေ
လွတ်လပ်ခြင်းနဲ့ ငါ...အတူနေမယ်။

ငါ့စိတ် ငါလုံ
ငါ့ကိုယ် ငါယုံ
အဲဒီ Danger Zoneမှာ ငါရှင်သန်သွားမယ်.. (ဇင်ကိုလတ်)

ဘလော့ဂါတွေရဲ့ စုစည်းညီညာ စွမ်းပကား
ဒီနားလေးမှာ ပြထားခဲ့မယ်
လူညီချင်မှညီမယ် တူညီတာတစ်ခုကတော့
ငါတို့ ဘလော့ဂ်ကိုချစ်ကြတယ်
ဘယ်ခေတ်ဖြစ်ဖြစ် ဘယ်စနစ်ဖြစ်ဖြစ်
အိုင်တီခေတ်ထဲက ကဗျာဟာ
ဘယ်ဘာသာနဲ့ပဲဖြစ်ဖြစ်ပါလေ
ခေတ်တစ်ခုရဲ့ မှတ်တိုင်သာဖြစ်တယ်
အချစ်အတုမဟုတ်တာလည်း သေချာတယ်
အပြစ်ပြုချင်လဲ ပြုခဲ့ကြပေတော့ကွယ်
ဘလော့ဂါတွေ ရင်မှာ မမြင်သာပေမယ့်
ထင်လာနေခဲ့တဲ့ သံယောဇဉ်ကြိုးတစ်ချောင်းရှိတယ်
ငါတို့ အသိတရား မယွင်းပါးခင်အထိတော့
အချင်းမများ အငြင်းမပွားပဲ
တင်းထားတဲ့ စိတ်တွေလျှော့ချပြီး
ဘလော့ဂ်ဘ၀ခရီးကို ချီတက်ကြတာပေါ့ကွယ်။ ။ (ကိုဖြိုး)

ဆက်ဖတ်ရန်...

ကမ္ဘာရဲ့ မနက်ဖြန်

ဒါဟာအတ္တပေါ့
တစ်ယောက်ကိုတစ်ယောက်ချစ်ကြတယ်ဆိုတာလည်းအတ္တ
တစ်ယောက်ကိုတစ်ယောက်မုန်းကြတယ်ဆိုတာလည်းအတ္တ
နင်လှတယ်ငါလှတယ်ပြောနေကြတာလည်းအတ္တပါပဲ
ဒီလိုအတ္တတွေကြားမှာ
ကမ္ဘာမြေကြီးဟာ ..
သီးချိန်တန်သီးပြီး ပွင့်ချိန်တန်ပွင့်လာတယ

ဘ၀ဆိုတာဟာလည်း အတ္တရဲ့တစ်နေ့တာနေရာလေးပါပဲ
မမြဲဘူးဆိုတာ သိသိကြီးနဲ့ မြဲချင်ယောင်ဆောင်ကြပြန်တယ်
နောင်ဘ၀ကိုလည်း မျှော်ကြပြန်တယ်
ဒါဟာအတ္တပေါ့
တစ်ယောက်ကတစ်ယောက်ကို အတင်းတွေတုပ်နေကြတယ်
တစ်ယောက်ကတစ်ယောက်ကို စာရင်းတွေရှုပ်နေကြတယ်
တစ်ယောက်ကတစ်ယောက်ကို နောက်ကျောကိုဓားနဲ့ထိုးကြတယ်
တစ်ယောက်ကတစ်ယောက်ကို တရားတွေချချပြကြတယ်
တစ်ယောက်ကတစ်ယောက်ကို စကားတွေမျှကြတယ်
တစ်ယောက်ကတစ်ယောက်ကို အားကိုးအားထားပြုကြ
တစ်ယောက်ကတစ်ယောက်ကို မတရားမှုတွေပြုကြ
တစ်ယောက်ကတစ်ယောက်ကို ကျေနပ်နေပြပြန်တယ်
ဒီလိုနဲ့ ဒီလိုနဲ့
ကမ္ဘာမြေကြီးဟာ
သူကြီးပြင်းခဲ့ရာလမ်းကြောင်းအတိုင်းပဲ
သူပြန်ငယ်သွားရရှာတော့တယ်
တစ်ယောက်ကတစ်ယောက်ကို သတ်ကြဖြတ်ကြလို့တဲ့လေ။ ။

ဆက်ဖတ်ရန်...

Tuesday, July 31, 2007

လေထဲက လရိပ်

မနေ့ညကပေါ့… သူမနဲ့အတူ

မြို့ပြရဲ့လမ်းတွေပေါ် လျှောက်သွားတယ်

အိမ်ပြန်ချိန်

လကလည်းသာလို့….

ဒါပေမယ့် လေထဲမှာလေ။


အသံသာလေးရယ်…

ငါတိမ်းညွတ်နေလို့ပါ

မီးဆိုလည်း ငါဝင်တိုးတော့မယ်

တစ်ဘဝစာ

လောင်ကျွမ်း ပြာကျ….

ငါ ပျောက်ဆုံးသွားမှအေးမယ်။


မသိစိတ်က မဖြစ်နိုင်မှန်းသိနေလည်း

ငါ အတိတ်မေ့ချင်ခဲ့တဲ့ကောင်ပါ

အိပ်ချင်တဲ့နေရာဟာ ငါ့မွေ့ယာပဲပေါ့။


ဘာကိုမှဂရုမစိုက်တတ်တဲ့ကောင်

လေထဲကအနမ်းတွေတောင် လိုက်ဖမ်းနေတတ်ပြီ။

ဒါနဲ့ဆို အားလုံးပေါင်းနှစ်ပွင့်သော အနမ်း

ဒီရင်မှာ နွမ်းနေရပြီ။


ဒီလိုနဲ့ပဲ

လေထဲကလရိပ် ကိုဖမ်းတဲ့

ငါ…

ခေတ်သစ် ငမိုက်သားလား?

ဆက်ဖတ်ရန်...

Wednesday, July 11, 2007

ယုံကြည်ပါ

ငါ သစ်ပင်ဖြစ်ချင်တယ်
"…. "မောရင် ငါ့အရိပ်အောက်မှာ
အပန်းဖြေဖို့ရယ်
အထီးကျန်တဲ့ ခံစားချက်တွေနားထောင်ပေးဖို့ရယ်
...သစ်ရွက်သံစဉ်တွေနဲ့
ချွေးသိပ်ဖို့ရယ်..
"…."အလိုရှိတယ်ဆို ငါ့အရိပ်ကို
တစ်ဘဝစာ မိုးပေးချင်တာပါ…
သစ်တစ်ပင်ဖြစ်ဖို့အတွက်
နှုတ်ခမ်းတစ်စုံရဲ့ ဒဏ်ကိုတော့ငါခံနိုင်ရမယ်
ဒါပေမယ့်…
ငါ….သစ်ပင်ပါ…

ငါ….ခရေတစ်ပွင့်ဖြစ်ချင်တယ်
သွေးလွှမ်းတဲ့စိန်တွေ မကြိုက်တဲ့ "…."အတွက်
ကြယ်တွေခူးပြီး ခရေ တစ်ကုံးပေးချင်တယ်
"…."အတွက်ဆို ငါ့ခရေကအမြဲမွှေးပျံ့စေရမယ်..
ဘဝအမောတွေ ကြုံတိုင်း
ခရေအနမ်းတွေနဲ့ လန်းဆန်းစေရမယ်…
ငါ ခရေတစ်ပွင့်ဖြစ်ဖို့အတွက်
"….."ကေသာရဲ့နူးညံ့မှုဒဏ်ကိုတော့ ငါခံနိုင်ရမယ်
ဒါပေမယ့်…
ငါ….ခရေတစ်ပွင့်ပါ….

ငါ….ဆော်လမွန်တစ်ကောင်ဖြစ်ချင်တယ်
ဝက်ဝံနဲ့ သိမ်းငှက်တွေ
အရိုးခိုက်တဲ့ ရေခဲချောင်းရေချိုတွေကြား
အရာအားလုံးကို အံတုပြီး
"…."ရှိမယ့်ကမ်းစပ်ကို အရောက်ပြန်လာမှာပါ
နူးညံ့သိမ်မွေ့လွန်းတဲ့
"….."အကြည့်ဒဏ်ကိုတော့ ငါခံနိုင်ရမယ်
ဒါပေမယ့်…
ငါ….ဆော်လမွန်တစ်ကောင်ပါ…

ငါ…မိုးစက်ပွင့်ဖြစ်ချင်တယ်….
ဒီ ဘဝကန္တရထဲ
"….."လက်ကိုဆွဲပြီး
တို့ ထွက်သက်ကို အတူတူ
ရှိုက်ကြရအောင်ပါ
နွေးထွေးလွန်းတဲ့
"….." ရဲ့ရယ်သံချိုတွေ ဒဏ်ကိုတော့ ငါခံနိုင်ရမယ်
ဒါပေမယ့်…
ငါ…မိုးစက်ပွင့်ပါ…

ယုံကြည်ပါ "…." ရယ်....

ဆက်ဖတ်ရန်...

နှစ်သိမ့်ဆု

အိပ်မရခြင်းမှာ
တစ္ဆေတစ်ကောင် ဗုံတီးနေတယ်
ပါးစပ်ကလည်း တတွတ်တွတ်နဲ့
အေးစက်ခြင်းတွေ ရိုက်လွှတ်နေတယ်

မယ်သီတာရယ်
ဝိဥာဉ်တွေ တောင့်တင်းလို့
စောင့်နေရတာ ကမ္ဘာတောင်ပျက်တော့မယ်
သူမ တစ်ရေးမှနိုးပါလေစ

ကောင်းကင်မှာလည်း တဝုန်းဝုန်းနဲ့
ကြယ်တွေကြွေနေလေရဲ့
ကျွန်တော့်ဆုတောင်းကတော့
ပိုးစုန်းကြူးတစ်ကောင်လောက်မှ မလက်

မီးတောက်တွေလား အနမ်းတွေလား
ရွာချလိုက်ပါ ကျွန်တော့်ကိုယ်ပေါ်ကို
မမှီတာကို လှမ်းချင်တဲ့
ငမိုက်သားအတွက် နှစ်သိမ့်ဆုဖြစ်ဖြစ်ပေါ့

နောက်ဆုံးဇာတ်ထုပ် မကခင်ညမှာ
______ အချစ်တော့
ကျွန်တော် ဒဿဂီရိ
မျှော်လင့်နေမိတယ်။ ။

ဆက်ဖတ်ရန်...

ရင်ဖွင့်သံ

မီးလောင်ကကြိုးတွေ လက်တဲ့ညပေါ့

ကျွန်တော့်မင်းသမီးလေးက

ငိုချင်းတစ်ပုဒ်ငြီးတယ်

သူတစ်ကယ်မထင်ခဲ့မိဘူးတဲ့


ရှုံးစရာကို မကျန်တော့ သလိုပဲ

ပဉ္စလက်တွေ ဆိတ်သုဉ်း

ကျွန်တော် ကိုယ်တိုင်သုည တစ်လုံး ဖြစ်သွားတယ်။


ကျွန်တော်အရူံးသမားပါ

ရွှေလင်ဗန်းကိုတပ်မက် နေသလိုမျိုး

ဘယ်သူကသနားမှာလဲ

မင်းကိုက ဆိုပြီးအပြစ်တင်လည်းခံ

ထားရင်လည်း စံရမှာပါ…


ဒါပေမယ့်

အဲဒီအရှုံးသမားက မင်းသမီးလေးဘဝမှာ

ခလုတ်ကန်သင်းမဖြစ်စေရပါဘူး

ရင်ကိုနင်းပြီး သွားရင်တောင်

သူမခြေဖဝါး သွေးခြေမဥနိုင်အောင်

ဖြည့်ဆည်းပေးနိုင်လို့

ပြုံးပျော်နေမှာပါ…


မင်းသမီးလေးရယ်…ဒါတစ်ကယ့်အရှုံးသမားတစ်ယောက်ရဲ့ ရင်ဖွင့်သံပါ…

ဆက်ဖတ်ရန်...

Saturday, July 7, 2007

ပါးပြင်နဲ့ မှီအုံး

မလေးက ပြောတယ်။ ကိုယ့် ကဗျာတွေကို ဖက်အိပ်ချင်တယ် တဲ့။ အဲဒါနဲ့ ဒီကဗျာရိုးရိုးလေးကို ရေးပေးလိုက်တယ်။ မလေး အတွက်... ဆိုတော့ တချို့ တချို့ လူတွေကို ကိုယ်စားပြုနေရာ ရောက်နေမလားတော့ မသိ။

ချစ်သူက ပါးပြင်
ကိုယ့်ရင်က မှီအုံး ဆိုပါတော့...
သူပြုံးကာ ပျော်ပျော်အိပ်စေဖို့
ရန်ခုန်သံ သာသာတိတ်ကာ
ချော့သိပ်မယ်နော့...။

သို့ပေမယ့်ချစ်သူခင်
မွေ့ယာကို ပစ်ခွာထားခဲ့တဲ့
ညများပင် အချိန်ကျော်တော့
ပေါ်မလာ ရင်မှာကျွမ်းလို့
လွမ်းရသည်ပင်...။

ကျီစားတဲ့ ပျိုပျိုခင်
ညဉ့်နက်စဉ် ပြန်လာတော့...
နွဲ့ဆိုးကာ ခေါင်းတင်ဝှက်ကာမှ
အေးစက်နာ ရင်ခွင်ခါးနိုင်ဘု
သူ့ပါးပြင် ပူငွေ့ထွေးနဲ့
နွေးသွားတာပေါ့...။

ဆက်ဖတ်ရန်...

Sunday, June 17, 2007

ကျေးဇူးတင်ပါတယ်


တစ်ခါတစ်ရံ စိတ်ပင်ပန်း ၀မ်းနဲမှုတွေကြားမှာ
မင်းရဲ့ ကဗျာလေးတွေ၊ စာလေးတွေက
ငါ့ဘ၀ကို နွေးထွေးစေခဲ့တယ်။

တစ်ခါတစ်ရံတော့လဲ
မင်းရဲ့ သံယောဇဉ်စကားသံလေးတွေဟာ
ငါ့ကို ဟိုးစည်းတွေဘောင်တွေအပြင်ဘက်က ဝေဟင်ကျယ်ကြီးထဲကို ဆွဲခေါ်သွားတတ်တယ်။

တစ်ခါတစ်ရံတော့လဲ
မင်းရဲ့ ဂရုစိုက်မှုလေးတွေက ငါ့နှလုံးသားမှာ အပြုံးလေးတစ်ခု ဖန်တီးပေးတယ်။

တစ်ခါတစ်ရံတော့လဲ
အမှောင်လွှမ်းတဲ့ ညချမ်းတွေမှာ မင်းရယ်သံချိုလေးတွေက
ငါ့ဘ၀ညတွေကို စိုပြေစေတယ်။

ဒါတွေအားလုံးက
တစ်နေ့မှာ အိပ်မက်တစ်ခုအဆုံးသတ်သလို ပြီးခဲ့မယ်ဆိုရင်တောင်
(မင်းကိုယ်မင်း သိမှာတောင်မဟုတ်ဘဲ)
ငါ့ဘ၀ရဲ့ အမှောင်ဆုံးအချိန်တွေမှာ ရှိနေခဲ့တဲ့မင်းကို
အလင်းတစ်ခုလို ငါအမြဲသတိရနေမိမှာပါ။

တစ်ကယ်တော့ တဒင်္ဂဘဲဖြစ်ဖြစ်
အပြုံးလေးတစ်ခု ဖန်တီးမှုအတွက်
မင်း…….ကောင်းကင်ဘုံက
ငါ့အတွက်….ဆင်းသက်လာခဲ့တယ်ထင်တယ်ကွယ်။

ဆက်ဖတ်ရန်...

Saturday, June 9, 2007

ရင်ကွဲသံစဉ်


သိက္ခာနဲ့ယုတ္ထိတွေကို ခ၀ါချလို့
ဒီတစ်ညမှာ ငါရင်ဖွင့်ပြီး ငိုပါရစေနော်
ငါမင်းကို သိပ်လွမ်းနေတယ်…

ညကမင်းပြန်လာတယ်လို့ အိပ်မက်တယ်သိလား
ငါရယ်မင်းရယ်ပေါ့လေ
ပန်းတွေဝေဆာနေတဲ့ တောအုပ်လေးတစ်ခုထဲက
သစ်လုံးအိမ်လေးထဲမှာပေါ့
ငှက်ကလေးသုံးကောင်က သစ်ပင်လေးပေါ်ကနေ
ငါတို့ကို ပြုံးပြီး ကြည့်နေကြတယ်…

ငါက မင်းကိုဖက်ထားလို့
မင်းက ငါ့ကိုမော့ပြီးကြည့်နေလို့
နှစ်ဦးသား အကြည့်ချင်းအဆုံမှာ
ရင်တွေခုန်လိုက်ရတာကွာ
မင်းရဲ့မျက်နှာလှလှလေးပေါ်မှာ ငါ့ရဲ့ အနမ်းလေးတွေ ခြွေချုလိုက်တိုင်း
ပန်းပွင့်လှလှလေးတစ်ပွင့်ပွင့်သွားခဲ့တယ်
မင်းသိလား
ညကလေ
မိုးကုပ်စက်ဝိုင်းထိ
ပန်းတွေပွင့်ခဲ့ကြတယ်ကွာ…

ဒီနေ့မနက်ငါနိုးထလာတော့
ငါ့ဘေးနားမှာ တတီတီနဲ့ မြည်နေတဲ့ နှိုးစက်တစ်လုံးက
ငါ့အိပ်မက်ကို လှောင်ရယ်နေတယ်…
ငါ့ဓာတ်ပုံထဲက ငါဖြစ်ခဲ့ဖူးတဲ့ငါက
မင်းရဲ့ စိတ်ဓာတ်အင်အားတွေ နည်းနေပြီလားလို့ ငါ့ကို စိုက်ကြည့်ပြီးမေးနေတယ်
မျက်စိကို ပြန်မှိတ်ပြီး ပက်လက်ပြန်လှဲလိုက်တယ်.
ဝင်သက်ထွက်သက်ကို မှန်အောင်ပြန်ကျင့်ပြီး
တည်ငြိမ်မှုကို ပြန်ရှာတွေ့သွားတဲ့အချိန်မှာတော့
ငါ့ရဲ့မျက်တောင်တံခါးတွေကို လှစ်ဟလိုက်တယ်.

မျက်နှာကြက်မှာ ဖန်မီးအိမ်တစ်လုံးက လေနဲ့အတူ ဝေ့၀ဲလို့
ငါ့ရင်ဘတ်ပေါ်မှာ လက်ကလေးနှစ်ဖက်ကို ယှက်ထားလို့
အို…
ငါဆုများတောင်းနေမိတာလား…

ငါဆုတောင်းဖို့ ရှက်တယ်ဆိုတာ မင်းလည်း သိပါတယ်
ဆုတောင်းတယ်ဆိုတာ တကယ်တော့
ကိုယ်ဖြစ်ချင်တာကို ဖြစ်အောင်လုပ်ဖို့
ကိုယ့်စိတ်ကိုယ် လမ်းတည့်ပေးလိုက်တာပဲလေ
ငါလိုချင်တာကို ငါ့နည်းငါ့ဟန်နဲ့ပဲ ယူချင်တယ်
ငါဆုမတောင်းဘူး
ငါ့စိတ်ကိုပဲ autosuggestion လုပ်တယ်.
ဒါပေမယ့်ဒီနေ့မနက်က ငါဆုတောင်းမိလိုက်တယ်ကွာ
ဘာလို့လဲမင်းသိလား
ငါ့မှာနည်းလမ်းတွေ ပျောက်ဆုံးနေလို့ပါ…

ငါ့ဖုန်းထဲမှာ မင်းထားခဲ့တဲ့ Voice Mail တွေကို အကြိမ်ကြိမ်နားထောင်လို့
ငါ့မေးလ်ဘောက်စ်ထဲမှာ မင်းပို့ခဲ့တဲ့ စာတစ်ချို့ကို အကြိမ်ကြိမ်ပြန်ဖတ်လို့
ငါ့နှလုံးသားထဲမှာ အကျအနထိုင်နေတဲ့ မင်းကိုအကြိမ်ကြိမ်ပြုံးပြလို့
ရင်ဘတ်ထဲက လှိုင်းတွေကို လမ်းလွှဲပေးလိုက်တယ်
အို….
ငါ့ရဲ့ မျက်တောင်တွေ စိုနေပါရော့လား…

သိက္ခာနဲ့ယုတ္ထိတွေကို ခ၀ါချလို့
ဒီတစ်ညမှာ ငါရင်ဖွင့်ပြီး ငိုပါရစေနော်
ငါမင်းကို သိပ်လွမ်းနေတယ်…




ဆက်ဖတ်ရန်...

လွမ်းည

ကြယ်တွေကြွေတဲ့ညမှာ
မင်းကိုတမ်းတမိတာ
ဗာဒံပင်အောက်မှာပေါ့ ။ . . .

အဝေးဆီက
ဆိတ်ဖလူးပန်းရနံ့တွေဟာ
လရောင်တန်းတွေကိုခိုစီးရင်း
အဖော်မစုံသူ ကိုယ့်ထံ
အလွမ်းတွေ လျှံစေခဲ့တယ်။ . . .

အဖော်ကွဲနေတဲ့ ငှက်ကလေးတစ်ကောင်
အိပ်တန်းတောင် မပျံနိုင်ရှာဘူး
နှင်းရည်စိုလက်
ဗာဒံရွက်တွေထဲ
မြတ်နိုးဖော်ကို ရှာနေတယ်ထင်ပါ့။

တစ်ခြမ်းပဲ့လမင်းလည်း
ငွေရောင်တွေကြဲပက်ဖို့
အိမ်ခေါင်မိုးထက်ကို ရောက်လာခဲ့ပြီလေ။ . . .

ဒီလိုညမျိုးမှာ
အိပ်စက်ခြင်းကို မေ့နေတဲ့ငါ
တွေးမိသမျှဟာ
မင်းအကြောင်းတွေချည်းပါပဲ။. . .

နည်ရဲဇော်
(၂၆.၁.၉၉)

ဆက်ဖတ်ရန်...

ဆုတောင်း

ဝေးကွာတော့မည်မှန်းသိလျှက်နှင့်
မမေ့ရက်နိုင်ခဲ့ပါ
အတွေ့ခက်မည်မှန်သိလျှက်နှင့်
တွေ့ မည့်ရက်ကိုတိုးတိတ်တမ်းတ
ရေတွက်ရ
ဝေးမည်သိလျှက်တွေ့ ခက်ကို
သိပါလျှက်နှင့်
တစ်နေ့တက်ရက် တစ်မနက်မျှ
မုန်းမေ့မရ စိတ်ဆန္ဒက
သိပ်တန်းတ
ဟိသစ္စံ
မှန်သောစကား သစ္စာအားကြောင့်
ဘုရားတပည့်တော်၏
ချစ်ရဆုံးသူ
သူ သူ သူသည်
အပူဟူ သမျှ မြူမျှမတွေ့
စိတ်ချမ်းမြေ့ ပါစေသား။ ။

http://kowainewspaper.blogspot.com

ဆက်ဖတ်ရန်...

Monday, June 4, 2007

ထို့ကြောင့်ဤအရာကို…

လောလောဆယ် ဖြစ်စေချင်တာပြောကြေးဆို..
ပလူတိုဂြိုလ်ကို ဂြိုလ်ကြီးကိုးလုံးထဲ ပြန်ထည့်စေချင်တယ်…

အလွမ်းခြွှေချလို့ ပန်းကြွေကျသတဲ့..
ချစ်ခြင်းမေတ္တာဟာ ပိရိစွာ ဖုံးအုပ်ထားတဲ့ ကလကာနောက်မှာ
မောဟိုက်စွာကတယ်…

ဘယ်တော့မှတည်ခင်းဧည့်ခံမှာ မဟုတ်တဲ့ မျက်ရည်တချို့ဟာ..
ရေခဲသေတ္တာထဲမှာ ၀မ်းနည်းစွာ အကျဉ်းချခံရတယ်…

သံစဉ်မပါတဲ့ အသံတွေကြောင့် ထကြွလို့..
တခါတခါများဆို နှလုံးသားက နွမ်းနွမ်းခခနဲ့ ထပြီးတောင်ကတယ်…

ဦးနှောက်အနားယူတဲ့အချိန်ဆို..
နှလုံးသားက ရွှင်ပြတယ်…
မြေမြုပ်ခံထားရတဲ့ အတောင်ပံတွေကလည်း
ရှင်ပြန်ထမြောက်ချင်နေသေးတယ်…

သြော်.. ခရေပင်ကြီးအောက် ခရေပန်းအကျစောင့်ရင်း
ဝုန်းဝုန်းဒိုင်းဒိုင်း ပြုတ်ကျလာတာ ငါပါလား..
အဲ့လိုနဲ့..
ခရေကပဲ ငါ့ကိုပြန်ကောက် သွားတော့တယ်…

မင်းလွတ်လပ်စွာ ပျံသန်းနိုင်ဘို့ဆို
ဟောဒီမှာ အတောင်ပံတစုံ ယူသုံးပါ..
ငါ့နှလုံးသားကို တစစီဖြုတ်ပြီး ယက်လုပ်ထားတယ်..

ကဲ.. ငါဟာဝလုံးမရေးတတ်လို့ ငှေးမှိုင်ကျန်ခဲ့တဲ့ ရွှေခဲကြက်တူရွေးပေါ့
ညီလေးခင်ရေ.. လှည့်ကြည့်မနေနဲ့.. စာကြည့်ပျက်တယ်…..

ဆက်ဖတ်ရန်...

Friday, June 1, 2007

ကြယ်ကြွေည



သူသွားပြီ
ငါ့ရဲ့ရင်ခုန်သံတွေကို ယူပြီးတော့ပေါ့
ဘယ်တော့များမှ ပြန်လာမှာလဲဟင်
မကြင်နာလို့ နှင်လွှတ်တာမဟုတ်ပါဘူးချစ်သူရယ်
အစဉ်ထာဝရ စောင့်စားနေသူတစ်ယောက်ရဲ့
နှုတ်ဆက်သံမှာ အက်သံတွေပြည့်နေတာ
ကိုယ်တစ်ယောက်ပဲသိပါတယ်.
သွားတော့နော်…

ကိုယ်မင်းနဲ့ ပြန်ဆုံတွေ့ဖို့
ကြယ်ကြွေညတိုင်းဆုတောင်းနေမယ်
ဒီညကြယ်ကြွေမှာလားဟင်…


ဆက်ဖတ်ရန်...

Wednesday, May 30, 2007

ဘေးလူ -၂ - (သို့မဟုတ်) ပြတိုက်ထဲကပန်းချီကား

ဘယ်တုန်းကမှ မပိုင်ဆိုင်ခဲ့ဖူးတဲ့အရာတစ်ခုကို
ဆုံးရှုံးလိုက်ရတဲ့အခါ.......

တကယ်တော့မင်းဟာ ကိုယ့်အတွက်
ပြတိုက်ထဲက ဂန္ဓ၀င်ကျော်ကြား
စိတ္တဇ ပန်းချီကားတစ်ချပ်ပါကွယ်
မင်းရှေ့မှာခြေစုံရပ်
လေးလေးစားစား ဦးညွတ်မိတဲ့ကိုယ်ပါ
မင်းကိုနားလည်ဖို့ စိတ်ဝင်တစား အဖြေရှာရင်း
ချာချာလည်ခဲ့ရတဲ့နေ့တွေလည်းများလှပြီပေါ့..


ဒါပေမယ့်လေ
ကိုယ်ဟာမင်းကိုပိုင်ဆိုင်ဖို့ဆိုတာဝေးစွ
မင်းဆီကကျလာမယ့် ဖုန်မှုန့်တစ်မှုန့်ကိုတောင်
အမြတ်တနိုးကောက်သိမ်းဖို့အရေး
(၀င်ကြေးမပေးနိုင်တဲ့နေ့တွေများဆို)
တံတိုင်းကာထားတဲ့စည်းအပြင်က
ငေးယုံသာငေးခွင့်ရခဲ့တဲ့ဘ၀ပါ
တခါတခါ ကံအခွင့်ပေးလို့လူလစ်ခိုက်မှာ
မင်းမျက်နှာကိုအသာထိတို့ကြည့်ခွင့်ရတာမျိုးများရှိခဲ့ရုံနဲ့
နှစ်သိမ့်ကျေနပ်ခဲ့ရတဲ့သူပါ..

ဒါပေမယ့်
ဒါပေမယ့်ပေါ့ကွယ်..
တန်ဖိုးကြီးတဲ့မင်းနဲ့ မတန်တရာ
ကိုယ့်ရဲ့ဂေဟာနုံချာချာထဲ
မင်းယောင်မှားဝင်လာတောင်မှ
ချိတ်ထားဖို့ကိုယ့်မှာနေရာလွတ်မရှိတော့ပါ
တော်မ၀င် မကျော်ကြားပေမယ့်
ကိုယ့်ရဲ့အသက်လိုတန်ဖိုးထား
ကိုယ်ပိုင်လက်ရှိပန်းချီကားနေရာမှာလည်း
ဘယ်လိုမှပြောင်းလဲ မချိတ်ဆွဲနိုင်တာ...

အဲဒီလို..
(ပိုင်ဆိုင်ချင်မှုဆိုတာတွေနဲ့ ကင်းလွတ်တဲ့)
သီးသန့်ရင်ခုန်သံတွေကြား
ညင်ညင်သာသာလေးခံစားနေမိခိုက်
မင်းကိုသော့ခတ်အပိုင်သိမ်းထားမယ့်သူပေါ်လာ
အဝေးကတောင်မြင်ခွင့်မရတော့မှာ..တဲ့..

မထိုက်တန်တဲ့ပိုင်ရှင်ဖြစ်မှာပူမိတာ
ကိုယ့်နဲ့ဘာဆိုင်လို့လဲ...
ပြတိုက်ထဲမှာပဲမင်းကိုရှိနေစေချင်တာ
ကိုယ့်ရဲ့အတ္တလား...
အနုပညာမြောက်ပန်းချီကားဆိုတာ..
ကမ္ဘာပေါ်မှာ ဒီတစ်ကားထဲရှိတာမို့လား..

ဘယ်လိုပဲဖြစ်ဖြစ်ပေါ့ကွယ်..
.....
ဘယ်တုန်းကမှ မပိုင်ဆိုင်ခဲ့ဖူးတဲ့အရာတစ်ခုဖြစ်ပေမယ့်
ဆုံးရှုံးလိုက်ရတဲ့အခါ.......
...
...
...
အ ကြာ ကြီး ၀မ်း နည်း မိ ဦး မှာ..။ ။


ပန်ဒိုရာ (၁၉ ဒီဇင်ဘာ ၂၀၀၅။ ၂၂း၂၀ နာရီ)

ဆက်ဖတ်ရန်...

Sunday, May 27, 2007

ရင်ခွင်နန်း

ငါက မင်းအတွက် လှေလေးတစ်စင်းပါ
မင်းရဲ့ ဘ၀မြစ်ပြင်ကျယ်ကြီးကို ကူးဖြတ်ရာမှာ အဆင်ပြေစေဖို့
ငါ့ကို လိုသလို အသုံးချပါ
တစ်ဖက်ကမ်းကို ရောက်ရင်တော့ မင်းငါ့ကိုလှည့်မကြည့်နဲ့တော့နော်

ငါက မင်းအတွက် မီးပြတိုက်လေးတစ်ခုပါ
မင်းရဲ့ဘ၀အမောတွေထဲမှာ အမိုက်မှောင်တွေကို ဖယ်ရှားပေးဖို့
ငါ့ကို လိုသလို အသုံးချပါ
မင်းရဲ့ပန်းတိုင်ကို မြင်သွားရင်တော့ မင်းငါ့ကိုမျက်ကွယ်ပြုခဲ့ပါတော့နော်

ငါက မင်းအတွက် တံတားလေးတစ်စင်းပါ
မင်းရဲ့ဟာကွက်တွေကို တေ့ဆက်ပေးဖို့
ငါ့ကို လိုသလို အသုံးချပါ
မင်းရဲ့ ပြည့်စုံခြင်းတွေကို ရရှိသွားတဲ့တစ်နေ့ကျရင်တော့ မင်းငါ့ကို နင်းကန်ထွက်ခွာသွားပါတော့နော်

ငါက မင်းအတွက် အိမ်လေးတစ်လုံးပါ
မင်းရဲ့ မလုံခြုံမှုတွေကို ကာကွယ်ပေးဖို့
ငါ့ကို လိုသလို အသုံးချပါ
မင်းရဲ့ တည်ငြိမ်အေးချမ်းမှုကို ပြန်ရှာတွေ့သွားရင်တော့ မင်းငါ့ရဲ့ရိပ်မြုံလေးကို
စွန့်ခွာသွားပါတော့နော်.


ငါက မင်းရင်ဘတ်ထဲက နှလုံးသားတစ်စုံ မဟုတ်ပေမယ့်
မင်းကတော့ ငါ့ရင်ဘတ်ထဲက အသက်ငွေ့နွေးနွေးလေးပါ
ငါမရှိလို့ မင်းဘာမှ မဖြစ်ပေမယ့်
မင်းမရှိရင်တော့ ငါ့ဘ၀ဟာ
နေမရှိတဲ့ကမ္ဘာ
ရေမရှိတဲ့မြစ်
ပန်းမပွင့်တဲ့ရဂုံပမာ ဖြစ်နေမှာမို့

ချစ်သူရယ်
အကြင်နာအလင်းတန်းလေးတွေ ဖြာဝေပေးပါ
ကြည်နူးမျက်ရည်များ သွန်းဖြိုးပေးပါ
လှိုက်ဖိုအနမ်းပန်းလေးများ မျှခြွေပေးပါ
ငံ့လင့်စောင့်မျှော်နေသူရဲ့
မမွှေးပျံ့တဲ့ အမိုက်မှောင်ကမ္ဘာကြီးထဲက
မြစ်ငယ်လေးတစ်စင်းအတွက်ပေါ့…


ဆက်ဖတ်ရန်...

Saturday, May 26, 2007

မုန်း

မျက်မာန်တော် ငြိုးပေမယ့်
အဆိုးမဆိုဝံ့ပါဘု ချစ်သူရယ်….။

သံယောဇဉ်ထား မှားမိသူမှာ
ချစ်မိတာကို မြိုသိပ်လို့
ကြိတ်မှိတ်ကာ အိပ်ပါတော့မယ်။

အပြစ်ယူလို့ မချစ်၊ ငြူစူသူရယ်
တစ်လက်စတည်းသာ မုန်း…
မုန်းလိုက် ပါတော့လားကွယ်…….။

ဆက်ဖတ်ရန်...

Friday, May 25, 2007

မင်္ဂလာနံနက်ခင်း ...

ခါတိုင်းလိုပဲ …
အိပ်ရာထဲက
နိုးထထချင်း
ပြတင်းကိုလှပ်
နံနက်ကို ကြို …
လောကကြီးကို ခွန်းဆက်
မင်္ဂလာနံနက် ဖြစ်ပါစေ … ။

ကောင်းကင်ထက်မှ
စက်စက်ကျနေ
မိုးစက်တွေဟာ
မြေကမ္ဘာကို
မျက်နှာသစ်ပေး
အညစ်အကြေးတွေ ဆေးကြောတယ်။

လန်းဆန်းနုနယ်
စံပယ်ဖြူဖွေး
ကြူကြူမွှေးက
ငြိမ်းအေးရနံ့
ထုံသင်းပျံ့စွာ ဝေဆာတယ်။

ရွက်နုစိမ်းဝေ
မိုးရေစိုစို
ကပိုကရို
ရှက်သွေးပိုတဲ့
အပျိုမလို အလှဖြာတယ်။

မိုးသောက်ရောင်ခြည်
အရှေ့ဆီမှ
ဝါနီအလင်း
အမှောင်ခွင်းကာ
ကမ္ဘာတလွှားကို ဖြန့်ခင်းတယ်။

သစ်ပင်ထက်မှာ
ငှက်ပြာတသင်း
တေးသီချင်းဆို
နေ့သစ်ဦးကို ကြိုကြတယ်။

ချစ်ခြင်း မုန်းခြင်း
ပြုံးခြင်း မဲ့ခြင်း
အလင်း မှောင်မဲ
ဒွန်တွဲဖြစ်ပျက်
ဆန့်ကျင်ဘက်များ
ရှိပါငြားလျက်
အလှမျက်စိ
*ယောနိသော-ထား
ရှုကြည့်ပွားလျှင်
မြင်မြင်သမျှ
လောကကြီးဟာ လှနေမယ်။
***
မင်္ဂလာရှိသော နံနက်ခင်း ပေါင်းများစွာ
ပိုင်ဆိုင်ရပါစေသား … ပိုင်ဆိုင်ကြပါစေသား … ။

ဆက်ဖတ်ရန်...

Monday, May 21, 2007

လောက၌ ငါသည် ...

လောက၌ ငါသည် ...
မုန်းခြင်းအားဖြင့်လည်း လူတစ်ယောက်အား၊
ခိုက်ရန်ဒေါသမပွားလို။

ချစ်ခြင်းအားဖြင့်လည်း လူတစ်ယောက်အား၊
ချည်နှောင်မထားလို။

ဝန်တိုခြင်းအားဖြင့်လည်း
ရင်တွင်း မောဟမထားလို။

လွမ်းဆွတ်ခြင်းအားဖြင့်လည်း
ပူဆွေး ၀မ်းနည်းခြင်းမဖြစ်လို။

တမ်းတခြင်းအားဖြင့်လည်း
ရင်တွင်း သောကမရောက်လို။

အို .. ဘုရားသခင်
လောက၌ ငါသည် ...
ချစ်ခြင်း၊ မုန်းခြင်း အလျဉ်းကင်းသောသူ ဖြစ်ရပါလို၏ ။

ဆက်ဖတ်ရန်...

ဂုဏ်ရည်မတူ

ပန်းကြိုက်သ'ူမလေး'ကိုလေ
မောင်စိုက်ကာလေထားပါတဲ့
ပန်းစံပယ်
လှမ်းမယ်လို့ကြံရွယ်ရှိတုန်း
'မလေး'ဆံကေသာထက်
ပန်းသဇင်ခက်က
လှောင်လို့ရယ်ပြုံး...........

ဆက်ဖတ်ရန်...

Sunday, May 20, 2007

နာခံတော်သွင်း..

လမင်းရဲ့ ကြင်နာမှုနဲ့
ကြယ်စင်တွေမှိတ်တုတ်
မလှုပ်မယှက်နဲ့ မြက်ခင်းပြင်ပေါ်ပက်လက်
ခံစားချက်လေးတွေကို ပင့်သက်မောတွေနဲ့
နေရာချနေတဲ့ ညတစ်ညမှာ
ချစ်သူနဲ့တွေ့ခဲ့တယ်…
အဲဒီ့ညက လနှစ်စင်းအပြိုင်ထွန်းလင်းခဲ့တယ်
သိလားချစ်သူ…

ပျက်ယွင်းနေတဲ့ နှလုံးသား
လွဲမှားနေတဲ့ ဦးနှောက်နရီတွေကို
စီညီအောင် ဖေးကူမပေးခဲ့တဲ့
အဝေးက ချစ်သူရဲ့ အပြုံးပန်းနုရွရွလေးတွေကို
တွေးမိတိုင်း လွမ်းရပါတယ်..
ပြုံးနေပြီလားချစ်သူ…

ဥဒဟိုသွားလာလှုပ်ရှားနေတဲ့ လူတွေကြားထဲမှာ
ချစ်သူများပေါ်လာလေမလားလို့
လက်တွေ့မကျတဲ့ စိတ်ကူးအိပ်မက်တွေကို အဖော်ပြုရင်း
ဆွေးမြည့်ခံစားချက်တွေနဲ့ မျှော်နေမိတယ်
တွေဝေသွားလား ချစ်သူ…

`မောင်´
လို့ ပါးစပ်ကဖွင့်ဟမခေါ်ပေမယ့်
မျှော်လင့်မိသူကိုယ့်ရင်ထဲမှာ ချစ်သူရဲ့ခေါ်သံလေးကို
နွေးထွေးလှိုက်မောစွာခံစားမိနေပါတယ်
ခုမြင်နေရတဲ့ ကြယ်တာရာတွေကို သက်သေပြုပြီး
သစ္စာဆိုပြချင်ပါရဲံ့…
ယုံမှာလား ချစ်သူ…

ချစ်သူနဲ့မနီးတဲ့ ခရီးလမ်းတစ်နေရာကို နှင်နေတဲ့
ချစ်သူသိပ်ချစ်တဲ့ `မောင့်´ အတွက်
ချစ်သူကိုယ်တိုင် သီကုံးပေးတဲ့ ကဗျာပန်းလေးကို
ချစ်သူကိုယ်တိုင် ရွတ်ပြပေးတာကို နားဆင်ရင်း
လရောင်ရွှန်းပတဲ့ ဒီတစ်ညမှာ
`မောင်´ မှေးစက်ပါရစေ
လာခဲ့မှာလား ချစ်သူ…

ဆက်ဖတ်ရန်...

Saturday, May 19, 2007

ညကြောက်တဲ့သူ

အဲဒီလိုည …..
အိပ်မရတာ တော်တော်ကြာပေါ့
ဝင်လာထွက်သွား အိပ်မက်များရယ်
ဝိုးဝါးစိတ်မှာ ခြေရာထင်ချ မေ့မရတော့
ညဆိုရောက်မှာစိုးကြောက်လာ။

ဟော . ညမှောင်ဖြိုခွင်း မိုးလည်းလင်းပေါ့
အားတင်းလိုက်ပါမလေးရယ်..

ဆက်ဖတ်ရန်...

ခဏတာ

ပထမ သင်္ကြန်မှာ ဆုံတွေ့ ခဲ့ ၊
ဒုတိယ သင်္ကြန်မှာ နှလုံးသားဆုတောင်းပြည့်ခဲ့ ၊
တတိယ သင်္ကြန်မှာ ခွင့်လွှတ်ပါဆိုတဲ့စကားနဲ့ သူထွက်ခွာခဲ့ ၊

ခဏတာ တွေ့ ခဲ့ နှင်းစက်ရယ်
ထာဝရတွက် နွေအိပ်မက်နဲ့
မောင့်ကို အပြီးအပိုင် ထားရစ်ခဲ့ ။

ဆက်ဖတ်ရန်...

Friday, May 18, 2007

ခေါ်သံ

ဟောဟိုးမှာ...
လင်းပွင့်လွင်ပြင်
ငြိမ်းချမ်းခြင်း ကောင်းကင်နဲ့
ကြာတွေပွင့်တဲ့ ကန်သာ
လိုက်ခဲ့ လာ...



ဒါပေမဲ့...
ခြေလေးစရာ
မိရိုးဖလာ ချပ်ဝတ်တန်ဆာတွေ ချွတ်ခဲ့
စိမ်းလက်တဲ့ မြက်ခင်းပြင်ထဲ
ရဲဝံ့စွာလျှောက်မယ်ဆို
ပေါ့ပါးဖို့ လိုတယ်လေ...

ပြီးရင်...
ပျော်ရွှင်ဖွယ်တေးတွေ သီကြွေးလို့
သွားစို့။

ဆက်ဖတ်ရန်...

မောင်

မောင်....
စိတ်မစွဲလမ်းပဲ၊ လှပတဲ့ညတစ်ညမှာ
မောင့်ကိုအိပ်မက်တယ်မောင်..

ကြာခဲ့ပြီပဲ...
မတွေ့ ရတဲ့နှစ်တွေ၊ နှစ်မျောတသ
လွမ်းရတယ်မောင်....
နှုတ်ဆက်စကားတောင်၊ ပြောခွင့်မရခဲ့
တမ်းတတဲ့ခရေလဲ၊ မြေမှာကြွေလို့ 
ကောက်သူမဲ့ပြီလားမောင်...

မောင်ပေးတဲ့ခရေ...အနှစ်နှစ်ဆယ်ကျော်ကြာမယ်ဆိုလဲ
ကဗျာစာအုပ်ကြားရှိနေဦးမှာပါမောင်...

မောင်ဘယ်မြို့ ကိုပြောင်းသွားလဲ
ကျွန်မသိလိုက်ပြီမောင်..
အရက်တွေလဲသောက်တုန်းပဲဆို
ဘယ်လိုအငြိုးနဲ့  ကိုယ့်ကိုကိုယ်နှိပ်စက်
မရက်စက်ပါနဲ့  မောင်...

မောင့်ကိုသတိရလွမ်းတဲ့အကြောင်း
မောင်ကလွဲလို့ www တခုလုံးသာသိ
မောင်ဘယ်တော့မှ သိလိမ့်မယ်မဟုတ်ဘူးမောင်.......
ကြေကွဲရပါတယ်မောင်ရယ်....



ဆက်ဖတ်ရန်...

သတ်ပုံမှားတဲ့ည

ပြန်လာမယ်ဆိုတဲ့အတွေးတွေနဲ့ပါ
ဟောဒိသန်းခေါင်ယံ ည ကလဲ
အမှောင်ကိုတွယ်ကတ်နေသေးတယ်
တရက်ပြီး တရက်မြန်မြန်ထွက်သွားကြစမ်းပါ
အပြင်းပြေ CD ခွေတွေတောင်တွားသွား
သက်ပြင်းတွေကတော့ဖြင့်သားနားနေပေါ့။

ကဗျာခဏခဏစပ်တာတောင်
သန်းခေါင်မလွှဲနိုင်တဲ့ ည
တချိန်လုံး (မျက်လုံး) မှိတ်ထားပေမယ့်
နာရီတရွေ့မှအိပ်မရခြင်းတွေနဲ့အတူ
၉၉ ခါမက စိတ်လေခဲ့ရတဲ့ ည

နာရီတွေနဲ့ငါ ဘယ်သူက သစ္စာမဲ့နေတာလဲ
ဟောဒီခေါက်ရိုးကျိုး အတွေးတွေနဲ့အတူ
အမှောင်ထုနဲ့ အခါခါရိုက်ပုတ်တဲ့ ညဲ့
အဲဒါ
မင်းကိုလွမ်းတဲ့ ည ပေါ့  " "။ ။ ။

ဆက်ဖတ်ရန်...

"ည"

ည - ဒီညပေါ့ အိပ်မရခဲ့တာ
ကြေမွနေတဲ့ အတိတ်ဟောင်းကို
ဖြန့်ကြည့်ချင်တဲ့ ငါဟာ မှားနေခဲ့တယ်လေ။

ပင်လယ်ရေအရ သာကိုခံစားဖို့က
အုန်းစိမ်းရေ ထက်သာမယ် ထင်ခဲ့တာကိုး။

ခွင့်လွှတ်တယ်ဆိုတာ မင်းအတွက်
ငါ့ရဲ့တန်ဖိုးအကြီးဆုံး လက်ဆောင်ဘဲလေ။

ဒီတန်ဖိုးအတွက် ပေးဆပ်ခဲ့ရတဲ့ငါ့ရဲ့ ညတွေ
မင်းအိပ်ပျော် နေမှာပေါ့။

ရင်ထဲကခုန်နှုန်း ပေါက်ကွဲမဲ့မီးတောင်တစ်လုံးလို
တ၀ုန်းဝုန်းနဲ့ ဘင်သံတွေလိုညံနေခဲ့တယ်။

ထားပါတော့ ရှိစေတော့
မင်းချစ်ခဲ့တဲ့ငါဟာ မင်းချစ်တဲ့အချစ်နဲ့ဘဲ
မင်းချစ်တာကိုခံချင်ခဲ့သူပါ
ဒါကိုအတ္တလို့ခေါ်မလား?

ဒါဆိုငါလဲဒီည မအိပ်တော့ဘူး
မင်းအိပ်ပါတော့။ ။ ။

ဆက်ဖတ်ရန်...

Thursday, May 17, 2007

မတွယ်ရစ်လိုသူပါခင်..

တကယ်ချစ်ပေမဲ့.. မတွယ်ရစ်လိုသူပါခင်..
မြိုသိပ်တွယ်ငင် အချစ်ဦးမို့ ..
နစ်စူးစွာချစ်ပေမဲ့ လွမ်းရေးကို ကြိုကာမြင်..
မခင်ပါနဲ့တော့လား..
ဒီတော့ကွယ်..
ဝေဒနာ ရင်မှာ မကျွှမ်းရင့်ရအောင်..
ပန်းပွင့်ကို လိပ်ပြာ မုန်းခဲ့တယ်…
ချစ်သူရယ် … မုန်းမေ့စေသား….

ဆက်ဖတ်ရန်...

အလွမ်းမိုး

ဒီနေ့မိုးတွေစွေနေတယ်...
ကောင်းကင်တစ်ခုလုံးအုံ့မှိုင်းနေတာပဲ..
တော်ရုံနဲ့မလွမ်းတတ်တဲ့ငါတောင်
မိုးရဲ့အငွေ့အသက်တွေကြားမှာ
လွမ်းမိပါရဲ့....

ဟော... ဟိုမှာတော့ခိုတစ်ကောင်
မိုးစက်တွေကြားမှာ
နားခိုရာမရှိ...
အထီးကျန်ပျံသန်းနေတယ်
သူ့ရဲ့ဦးတည်ရာ...
နွေးထွေးတဲ့ခိုလှုံရာကိုပေါ့..

ဟော...ဒီမှာတော့ ငါဆိုတဲ့လူတစ်ယောက်
လောကဓံကြားမှာ
နားခိုရာမရှိ....
အထီးကျန်ဖြတ်သန်းနေတယ်
ငါ့ရဲ့ဦးတည်ရာ...
နွေးထွေးတဲ့မင်းရှိရာကိုပေါ့...

ဆက်ဖတ်ရန်...

လရောင်ဆမ်းမှ
လွမ်းခွင့်ရတာ
မဟုတ်ပါကွယ်

ဘယ်ကိုသွားသွား
ဘယ်နားရောက်ရောက်
ဘယ်လောက်ကြာကြာ
ဘယ်မှာတွေ့တွေ့
မွေ့မွေ့ငြိမ့်ငြိမ့်
သိမ့်သိမ့်ခံစား
အိပ်မက်များမှာ
ကျောက်သားလိုပဲစွဲကျန်နေ။

ဆက်ဖတ်ရန်...

Tuesday, May 15, 2007

အမေ (သို့) ငါ့ရဲ့ တမ်းချင်း

သူငယ်ချင်းရေ ...
ဥသြငှက်ငယ်ရဲ့
တေးသွားတွေနဲ့အတူ
ဝေ့၀ဲကျလာတဲ့ …

ရော်တမာတွေကို နှမျောတသ ငေးကြည့်ပြီးတော့
ဝမ်းနည်းစကားတွေဆိုကြရင်း
ဂီတရစ်သမ်တွေ သီကြူးခဲ့ဖူးတဲ့
တမာနံ့သင်း လမ်းကလေးနဲ့ …
ထနောင်း၊ တမာ၊ ဆူးဖြူဖြာယှက်
အမေ့ရင်ခွင့်ထက်မှာ
ပျော်ခဲ့ဖူးတဲ့ အချိန်တွေကို
မင်းသတိရသေးရဲ့လား…

သူငယ်ချင်းရေ …
မိုးရနံ့နဲ့
စိမ်းလန်းသစ်လွင်နေတဲ့
အမေ့ရင်ခွင်ထက်မှာ
အားသစ်တွေမွေးဖွား
ဘ၀အတွက် ..
ပညာနို့ရည်တွေ သောက်စို့ကြချိန်
မိုးစက်ပွင့်တွေကြားမှာ
တွဲလက်မဖြုတ်တမ်း လမ်းလျှောက်ကြရင်း
ကျောက်ကာလမ်းလေး တိုလွန်းတယ်လို့
မင်းပြောခဲ့ဘူးတာကို
သတိရသေးရဲ့လား …

သူငယ်ချင်းရေ ...
ခုချိန်မှာဆို
တို့ ခြေရာချင်းထပ်နေခဲ့တဲ့
တမာစီလမ်းလေးပေါ်မှာ
နှင်းဖွဲဖွဲလေးတွေ ဝေ့၀ဲလို့ပေါ့…
အတန်းမပြီးခင်
ကန်တင်း(န်)ကို ခိုးလစ်ပြီး
ကော်ဖီပူပူ အငမ်းမရ သောက်ခဲ့ကြတဲ့
အတိတ်က ဆောင်းနံနက်တွေကိုရော
မင်းသတိရသေးရဲ့လား….

သူငယ်ချင်းရေ …
ခင်တွယ်ရာ အဖော်မရှာပဲ
တူညီစွာ လွတ်လပ်ခဲ့တဲ့ တို့တစ်စု
ကဗျာတွေရေးကြ
ဘ၀၊ ဒဿန ဆိုတာတွေကို
စားပွဲထိုး ကောင်လေးတွေ ညိုငြင်လောက်အောင်
ရေနွေးကြမ်းတွေသောက်ရင်း ဆွေးနွေးကြနဲ့
တီးဆိုင်က ခုံပုလေးတွေကို ချစ်တတ်ကြလွန်းတာများ
အတန်းထဲက ကောင်မလေးတွေ ဟားကြတဲ့အထိပါပဲ….......

ဒါတွေကို မင်းအမှတ်ရသေးရဲ့လား ….

သူငယ်ချင်းရေ …
အမေ့ရင်ခွင်က ခွာထွက်ပြီး
တမာလမ်းပေါ်က ရော်ဝါတွေလို
(တို့တစ်တွေ)
တစ်နေရာဆီကို လွှင့်နေရချိန်မှာ
အတိတ်ခြေရာတွေက တမ်းတဖွယ်ဖြစ်နေတာကို
ကဗျာတွေနဲ့ အလွမ်းဖြေနေရင်းက
ပြန်မရတော့တဲ့အချိန်တွေ အတွေးရောက်တိုင်း
ရင်ခွင်ကို လှိုင်းခတ်နာကျင်စေခဲ့တယ်…….။

ဆက်ဖတ်ရန်...

Monday, May 14, 2007

မောင်သိဖို့ 

တူနှစ်ကိုယ် တဲအိုပျက်မှာ
ထမင်းရည်သောက်ပြီး
ဘ၀ခရီးလျှောက်လှမ်းကြတာ
ရုပ်ရှင်ထဲမှာပါ ... မောင်

ဆူးခင်းလမ်းကို
ပန်းခင်းထားတယ်ထင်ပြီး
ပျော်ရွင်စွာလျှောက်လှမ်းကြတာလဲ
ဝတ္တုတွေထဲမှာပါ...မောင်

ဒါကြေင့်လေ...
သိပ်ချစ်ရတဲ့ မောင့် ကို
ချစ်လျက်နဲ့  စွန့် လွတ်ပါရစေ...မောင်

ဆက်ဖတ်ရန်...

Good night မောင်

မောင်…
လရောင်သွန်းကျ..သိပ်လှတဲ့ညမှာ
အိပ်မောကျသွားပြီလားမောင်..

မောင်..
ဟန်ဆောင်မရ..ရင်ခုန်ရလို့
စို့လက်မျက်ရည်.. နွေတာရှည်လို
နှလုံးသားကိုကစား..
ဝေဒနာများတော့ မပေးပါနဲ့မောင်..

မောင်…
သန်းခေါင်ယံကြယ်မင်း.. တမ်းတရင်းနဲ့
အိပ်မောကျနေတဲ့.. မောင်မသိအောင်လှမ်း
ခန်းဆီးစမလို့…
ညံ့သက်အနမ်းလေး..ပေးလိုက်တယ်မောင်…

ဆက်ဖတ်ရန်...

အမေသို့......

အမေ....
အနန္တဂိုဏ်းဝင်ကျေးဇူးရှင်အမေ...
အမေတစ်ယောက်ကျန်းခမ်းသာလို့မာပါစေ...
ရပ်ဝေးမြေခြားမှာ ရောက်နေရပေမယ့်...
နေ့စဉ် ရှိခိုး ဦးချလျှက်ပါအမေ...


အမေ....
နံနက်မိုးလင်းတိုင်း သားသမီးတွေရဲ့မျက်နှာကို...
နေ့စဉ်သတင်းစာ ဖတ်သလိုကြည့်တတ်တဲ့အမေ...
အဝေးရောက်သားတစ်ယောက်ကို စိုးရိမ်မှု ပူပန်ဇောတွေနဲ့...
အမေတစ်ယောက် သောကရောက်နေမဲ့အဖြစ်မျိုးကို...
သား တစ်သက်လုံး ရှောင်ကြည်ပါ့မယ် အမေ...


အမေ....
တုနှိုင်းမရတဲ့မေတ္တာတရားတွေနဲ့...
သားသမီးတွေကို နွေးထွေးမှုပေးတဲ့ အမေ...
ခွင့်ခါသင့်တိုင်း ပြန်လည်ပေးဆပ်ဖို့...
သား ကြိုးစားပါ့မယ်...အမေ.....


အမေ....
လောကအလယ်မှာ ရှင်သန်နေထိုင်နိုင်အောင်...
ခွန်အားပေး..မွေးဖွားပေးခဲ့တဲ့အမေ...
အမေ့ရဲ့ကျေးဇူးတရားတွေကို...
အောက်မေ့...သတိရ...တမ်းတလျှက်ပါ..အမေ....

(အမေများနေ့ အမှတ်တရ..)

ဆက်ဖတ်ရန်...

တိမ်တိုက်ငယ်ရဲ့ မှတ်တမ်း

တိမ်တိုက်ငယ်တစ်ခု လွင့်မျောနေလေရဲ့ ။

တစ်ခါတစ်လေ ကစင့်ကလျားနဲ့ 

ပြန့် ကျဲသွားတတ်တယ်။

တစ်ခါတစ်လေ ကြယ်နဲ့ လတွေကို ဖုံးအုပ်ထားတယ်။

တစ်ခါတစ်လေ မျက်မှောင်ကုတ်လို့ 

အလင်းအုပ်ထားတယ်။

တစ်ခါတစ်လေ ပူလောင်တဲ့ နေမင်းကို

ကာကွယ်ပေးပြန်တယ်။

တစ်ခါတစ်လေ သည်းကြီးမည်းကြီး

အငြိုးကြီးစွာ ခုန်ဆင်းလာတယ်။

ဒါပေမဲ့…….လေပြင်းဝှေ့ လိုက်ရုံနဲ့ 

သူမှာလွင့်မျောရရှာတယ်။

ဆက်ဖတ်ရန်...

တွယ်ရာမဲ့

တစ်ခါတစ်ရံ
ကာရန်မဲ့သော
အတွေးများချဲ့ …

ယိုင်နဲ့စိတ်လွင့်
မျောခွင့်ပေးလျင်
တွေးယာဉ်ကြောဟာ
မင်းဆီမှာပဲ
စွဲကပ်မည်ထင်…

လွန်စွာငေါင်ခိုက်
ညမှောင်မိုက်မှာ
သံသာခြွေနိုး
မျှော်ကိုးရင်းနဲ့
ဟင်လင်းရင်တွင်
နာကျင်လွမ်းလျက်
အိပ်စက်နေ့ကူး
မထူး ရူှးှဆဲ… ။ ။

ဆက်ဖတ်ရန်...

ပုန်းရှောင်သူသို့ခွင့်ပန်လွှာ

ကြင်ပါနဲ့တော့လား.
ဝေဒနာရင်မှာ ရင့်ကာကျွမ်းပြီးသားမို့
လွမ်းချင်သူသက်သက်ဝမ်းနည်းစေခဲ့တယ်.
ချစ်သူရယ်
ရက်စက်နိုင်အား...


နှင်ပါနဲ့တော့လား.
အစဉ်သာရက်ဆက် စောင့်ခဲ့သူမို့
ပုန်းရှောင်သူငွေလ၀န်းကို မျှော်မိတယ်
ချစ်သူရယ်.
မေ့ဖျောက်နိုင်အား...

ပြင်ပါနဲ့တော့လား
ရှင်မကွာဆုတောင်းအားနည်းသူမို့
ဝေးစေသူကံကြမ္မာကို ငြိုးမိတယ်
ချစ်သူရယ်.
စိမ်းရက်လေအား…

ရှောင်ပါနဲ့တော့လား
မှောင်ကမ္ဘာမှာ ရှည်ကြာနေခဲ့ရသူမို့
လင်းစေသူရှင်နေမင်းကိုမျှော်ကိုးမိတယ်
ချစ်သူရယ်.
တိမ်းရက်လေအား...

ဆက်ဖတ်ရန်...

သခင့်ထံပါးမှ ထာဝရချစ်သူ

တိုးညှင်းတဲ့ရင်ခုန်သံလေးတွေ စုစည်းပေါင်းစပ်ပြီး
ကိုယ့်ရဲ့ အသိအာရုံကို ထိန်းချုပ်ဖို့ ကြိုးစားလာကြတယ်..
နေ့စဉ်လှုပ်ရှားနေတဲ့ နိစ္စဒူဝဖြစ်စဉ်တွေထဲမှာ
ချစ်သူအတွက် ကဗျာလှလှလေးတွေ
ရေးစပ်ဖို့ အချိန်လေးတစ်ခုဝင်လာခဲ့တယ်ချစ်သူရယ်..

ချစ်သူကို ပွင့်လင်းစွာချစ်ခွင့်ရချင်ပါတယ်.
ချစ်သူစိုးရွံ့မှာကိုလည်း စိတ်မကောင်းဖြစ်ရပါတယ်.
ချစ်သူနဲ့ ကိုယ်ကြားမှာ မကျော်နိုင်တဲ့ အဆီးအတားတစ်ခုရှိနေတယ်
ချစ်သူမလိုလားတဲ့ ဖြစ်ရပ်မျိုးကိုလည်း ကိုယ်မဖန်တီးချင်ပါဘူးကွယ်…



ချစ်သူမသိစေချင်တဲ့ လျှို့ဝှက်ချက်တွေကို ကိုယ်သိအောင် ကြိုးစားမိခဲ့တယ်.
ဒါဟာလည်း ချစ်သူရင်ထဲက ပြောမပြဖြစ်တဲ့ နာကျင်မှုတွေကို ကုစားပေးချင်လို့ပါ.
ကိုယ်ဒီလိုကြိုးစားမိလို့ ချစ်သူ့ရင်ကို ပိုနာကျင်မိသွားစေလားဟင်
ဒါဆိုရင်တော့ ကိုယ့်ရဲ့ရင်ဘတ်ကို ကျောပြင်အဖြစ်ပြောင်းလိုက်ပါမယ်ချစ်သူရယ်..

ကိုယ့်ရင်ထဲက အချစ်တွေကို ချစ်သူ မသိချင်နေပါ.
ကိုယ့်ဆင်ခြင်တုံတရားရဲ့ ကျဆုံးမှုကိုလည်း ချစ်သူ မမြင်ချင်နေပါ.
ကိုယ့်ရဲ့သံယောဇဉ်နဲ့တွယ်တာမှုကိုတော့ ပြက်ရယ်မပြုပါနဲ့နော်…

ကြည့်ပါချစ်သူ
မေပယ်လ်ပင်လေးတွေ အနီတစ်ဝက်အ၀ါတစ်ဝက်နဲ့
ကိုယ့်ချစ်သူရဲ့ ခြေလှမ်းလေးကြွအလာကို ၀ပ်တွားခစားနေကြတယ်.

နားထောင်ပါချစ်သူ
ဆီဒါပင်လေးတွေကို လေတိုးနေတဲ့အသံလေးတွေထဲမှာ
ချစ်သူမြတ်နိုးတဲ့ သံစဉ်လေးတွေ စီးမျောနေတယ်.



ခံစားပါချစ်သူ
ချစ်သူရဲ့မျက်ဝန်းလေးပေါ်မှာ ဖြာဆင်းနေတဲ့ နေခြည်နုထွေးလေးတွေမှာ
ချစ်သူအပေါ်ထားတဲ့ ကိုယ့်မေတ္တာရဲ့ နွေးထွေးမှုလေးတွေ ပျော်ဝင်နေတယ်.

ငိုလိုက်ပါချစ်သူ
မေတ္တာလိုအပ်နေတဲ့ အားနည်းသူလေးတွေအတွက်
ချစ်သူရဲ့ နှလုံးသားထဲက ကိုယ်ချင်းစာတရားလေးကို ဖော်ကျူးပေးနိုင်ဖို့ပေါ့



ပြုံးလိုက်ပါချစ်သူ
မှောင်မိုက်နေတဲ့ ဒဏ်ရာနေ့ဟောင်းလေးတွေ
အားအင်သစ်နဲ့အတူ ပြန်လည်နိုးထလာနိုင်ဖို့ပေါ့.

ရီလိုက်ပါချစ်သူ
ကမ္ဘာလောကကြီးရဲ့ ပူဆွေးသောကတစ်ချို့ကို
ချစ်သူရဲ့ ရယ်သံချိုချိုလွင်လွင်လေးနဲ့ ကုစားပေးဖို့ပေါ့

မျက်လုံးလေးမှိတ်ထားပေးပါချစ်သူ.
ချစ်သူ့ရဲ့အာရုံထဲမှာ သက်ရောက်မှုတွေ ကင်းကွာနေတဲ့
ဒီလိုရှားပါးတဲ့ အခိုက်အတန့်လေးတစ်ခုမှာ
ချစ်သူရဲ့ နှုတ်ခမ်းလေးကို နူးနူးညံ့ညံ့လေးနမ်းပြီး
တိုးတိုးလေးပြောခဲ့ချင်ပါတယ်…
...
...
မြတ်နိုးရပါတယ် ချစ်သူရယ်…
...
...

အလို…
ဘုရားကျောင်းက ခေါင်းလောင်းသံတစ်ချက်လွင့်မျောလာတယ်.
ကိုယ်သွားရတော့မယ် ချစ်သူရယ်..
ချစ်သူရဲ့ဘ၀လေး အေးချမ်းပျော်ရွှင်စေဖို့
သခင့်ဆီမှာ ကိုယ်ဆုတောင်းပေးမယ်နော်….
ထာဝရပေါ့…

ဆက်ဖတ်ရန်...

ရင်ခုန်သံဒိုင်ယာရီ

အမှတ်မထင်ဖြစ်ရပ်လေးတစ်ချို့ဟာ
ရင်ထဲမှာ တစ်သက်တာစွဲသွားတတ်တာမျိုးလေးတွေ
ရှိတတ်တယ်လို့ ပြောကြတယ်.
ဒါဆိုရင် ဒီနေ့ဖြစ်သွားတဲ့ အဖြစ်အပျက်လေးဟာ
တစ်ခုအပါအ၀င်ပဲလို့ ဆိုပါရစေ…

တကယ့်ကို အမှတ်မထင်ပါပဲ.

ထုံးစံအတိုင်းသွားသွားလာလာလုပ်နေခဲ့တယ်.
သူနဲ့လည်း အရင်ကတည်းက ရင်းနှီးနေခဲ့တယ်လို့ထင်တယ်.
တကယ်ဆို ကိုယ်ကသူ့ကို မြင်တောင်မြင်ဖူးသေးတာ မဟုတ်ဘူး
ဘယ်တော့မှလည်း တွေ့မယ်လို့ မတွေးထင်ခဲ့မိဘူး

သူငယ်ချင်းတစ်ယောက်ရဲ့ ကော်မန့်ကိုဖွင့်အကြည့်မှာ
သူ့မျက်ဝန်းတွေကို ဆုံတွေ့လိုက်ရတယ်.
လောကကြီးကို တဒင်္ဂလောက်မေ့သွားခဲ့ရတယ်
အေးချမ်းတဲ့ အကြည့်လေးတွေ
ဟန်ပါပါပြုံးနေတဲ့ နှုတ်ခမ်းလေးတွေ
ဖြောင့်စင်းတဲ့ နှာတံသွယ်လေးတွေ
ဝဲကျနေတဲ့ ဆံနွယ်လေးတွေရဲ့အောက်မှာ
ကိုယ့်ရဲ့ ရင်ခုန်သံတွေ ခေတ္တရပ်ဆိုင်းသွားခဲ့တယ်.

တကယ့်ကို အမှတ်မထင်ပါပဲ.

ရင်ခုန်သံရပ်သွားတာ တကယ်တော့ပိုခုန်ဖို့
အရှိန်ယူလိုက်တယ်လို့ ကိုယ်ထင်ပါတယ်.
တကယ်လည်းဟုတ်နေခဲ့တယ်လေ.
သူ့ပုံလေးကို ကြည့်ပြီး သတိပြန်ဝင်လာတဲ့အချိန်မှာ
ကိုယ့်ရဲ့နှလုံးသားက ရင်ဘတ်ရဲ့အပြင်ကိုတောင် ရောက်နေပြီ
ဦးတည်နေတဲ့ခြေလှမ်းလေးက သူရှိတဲ့နေရာကိုပေါ့



သူလှလား
ကိုယ်မသိဘူး
သူဟာအပြစ်ကင်းစင်သူတစ်ယောက်လား
ဒါလည်းကိုယ်မသိဘူး
သူ့မှာ ရည်ရွယ်ထားသူများရှိလား
ဒါကိုတော့ ကိုယ်မသိချင်ဘူး

ကိုယ်သိနေတာကတော့
သူ့အသံလေးက အေးချမ်းသိမ်မွေ့တယ်
သူ့မျက်နှာလေးက တည်ငြိမ်ရင့်ကျက်တယ်
သူ့ကဗျာလေးတွေက ရိုက်ခတ်ဖမ်းစားတယ်
သူ့စာလေးတွေက ညို့ယူဆွဲဆောင်တယ်.
ကိုယ်သူ့ကို ချစ်သွားပြီကွာ….

တကယ့်ကို အမှတ်မထင်ပါပဲ.



Paper ရေးဖို့စာမျက်နှာအသစ်ဖွင့်လိုက်တယ်.
သူ့နာမည်လေးကို မြတ်မြတ်နိုးနိုးလေး ရိုက်မိသွားတယ်
MPI ပရိုဂရမ်ရေးတော့ Message နေရာမှာ သူ့နာမည်လေးထည့်ရိုက်လိုက်တယ်.
ပရိုဆက်ဆာ ၈ ခု နဲ့ Run ပစ်လိုက်တယ်.
ချစ်ခြင်းရဲ့အမှတ်တရပေါ့လေ.
Parallel Machine ကြီးက သူ့နာမည်လေးကို တစ်ခုချင်း ပြန်လှမ်းပို့တယ်.
I love …. (Processer 1)
I adore … (Processer 2)
I am in love with … (Processer 3)
…..
…..
…..

တကယ့်ကို အမှတ်မထင်ပါပဲ.



ကိုယ်ကငယ်ငယ်လေးကတည်းက ယုံကြည်ချက်ပြင်းပြခဲ့တယ်
လိုချင်တာကို ရအောင်ယူဖို့အင်အားတွေကိုလည်း မွေးနေခဲ့သူတစ်ယောက်ပါ
မဖြစ်သင့်တာတစ်ချို့ဟာ မဖြစ်နိုင်ဘူးဆိုတဲ့ ခေါင်းစဉ်အောက်မှာ
လာပြီးခိုလှုံနေတတ်တာကို အချိန်ရဲ့ရွေ့လျားမှုအောက်မှာ
တဖြည်းဖြည်းသိလာခဲ့ရတဲ့နောက်
ကိုယ်သိပ်ပြီးတော့ ဇွတ်တရွတ်မလုပ်ဖြစ်တော့ဘူး
ခုဖြစ်ရပ်မှာလည်း ကိုယ့်ရင်ဘတ်ထဲက တောင်းဆိုမှုတွေကို
အသိစိတ်တစ်ခုနဲ့ ပြန်ပြီးထိန်းချုပ်နေခဲ့လိုက်တယ်…



မင်းကို ကိုယ်သိပ်ချစ်သွားတယ်
ဒီကိစ္စမှာ အကြောင်းပြချက်သိပ်မရှိဘူး
ချစ်တယ်ဆိုတာ သချာင်္ပုစ္ဆာတစ်ပုဒ်လို
သက်သေပြနေရတဲ့ အရာမျိုးမှ မဟုတ်တာ
ဒီလိုပြယုဂ်မရှိတဲ့ ခံစားချက်အစိုင်အခဲအောက်မှာ
ကိုယ်တစ်ယောက်တည်းပဲ ရှိနေချင်တယ်
ဒါမင်းကို ကိုယ်မချစ်လို့မဟုတ်ဘူး
မင်းနဲ့ကိုယ် မဖြစ်သင့်ဘူးဆိုတာကို
အခိုင်အမာသိနေခဲ့လို့ပဲ…

ချစ်သူကို ချစ်ပါတယ်လို့ ပြောခွင့်မရတဲ့
ယောင်္ကျားတစ်ယောက်ရဲ့ ခံစားချက်မျိုးမှာ
စောင့်စည်းမှုတွေ၊ သိတတ်မှုတွေ ရှိနေတယ်ဆိုတာကို
ကျန်စစ်သားနဲ့ မဏိစန္ဒာတုိ့က သက်သေပြခဲ့ပြီးပါပြီ…
ဒါပေမယ့်ကွာ.
နှစ်ပေါင်းများစွာ ကိုယ်မြတ်မြတ်နိုးနိုးသိမ်းထားခဲ့တဲ့
တန်ဖိုးရှိတဲ့ စကားလေးတစ်ခွန်းကို
ဒီနေ့ဒီအချိန်မှ အားလုံးသိအောင် ပြောပြချင်ပါတယ်.

ကိုယ်မင်းကို သိပ်ချစ်သွားပြီကွာ….

တကယ့်ကို အမှတ်မထင်ပါပဲ.



ပြီးတော့လေ
ချစ်သူသိအောင် ပြောပြချင်ပါတယ်
ချစ်သူရဲ့ အရိပ်ကလေးတွေကို
တွေ့ပြီးပြီးချင်းခဏမှာပဲ
ကိုယ့်ရဲ့ စက်ထဲကို ကူးထည့်ပြီး
Screen Saver လုပ်ထားလိုက်တယ်
ဒါကိုတော့ ခွင့်လွှတ်ပေးပါနော် ချစ်သူ…

ချစ်သူမသိတဲ့ အချိန်တွေမှာတောင်
ချစ်သူခံစားတတ်တဲ့ သံစဉ်လေးတွေကို
ချစ်သူနဲ့အတူ ရှိနေသလိုမျိုး စိတ်ကူးထဲမှာမြင်ယောင်ပြီး
ချစ်မြတ်နိုးစွာ ကိုယ်နားထောင်နေတတ်တာ
ချစ်သူ ဘယ်တော့မှ သိမှာ မဟုတ်ပါဘူးလေ….

ဒီကဗျာလေးကို ကိုယ်ဘာလို့ရေးဖြစ်သွားတာလဲသိလား
ကိုယ့်ရင်ထဲမှာ သိပ်ကိုမွန်းကြပ်လာလို့ ထွက်ပေါက်တစ်ခုပေးလိုက်တာပါ.
ချစ်သူကိုချစ်မိတဲ့ ရင်ခုန်သံတွေကို ဒီကဗျာလေးနဲ့အတူ
ကိုယ်ထာဝရ မြှုပ်နှံပစ်လိုက်မှာပါ ချစ်သူရယ်...
ချစ်သူဘာမှ မငြိုငြင်ပါနဲ့နော်...



တကယ့်ကို အမှတ်မထင်ပါပဲ.

ဆက်ဖတ်ရန်...

တိတ်တခိုး

တိတ်တခိ်ုးဆိုတဲ့ နာမည်နဲ့ ကဗျာတွေ အများကြီးရှိကြတဲ့ အထဲက တစ်ပုဒ်လို့သာ မှတ်လိုက်ပါနော်။
(မလေး အတွက်..)


တကယ်တမ်းမတော့
မရွယ်ပန်းတစ်ပွင့်ပန်ဆင်။

အလှမ်းပြင် ဘ၀င်ဇောရယ်နဲ့
မနွမ်းခင် လိုချင်မောပါပေါ့
စောစောကသာမြင်လိုက်ချင်။

ကိုယ့်ဘ၀ကိုယ်ဆင်ခြင်
မျှော်မြင်ကာ ဘ၀င်ကျရသူမို့
တော်ဝင်စရာ ဟိုပင်အလှဆီက
သခင့်ဘ၀နှင့်မတန်သေး။

အလှမ်းသင့်ရာ
ပန်းတစ်ပွင့်သာ တော်သလို ဆွတ်ပြီးသူမို့
ညွတ်မိသူသခင်အရိပ်မှာ
တိတ်တိတ်အသာရှိုက်ရတယ်
ရင်လှိုက်ကာမွှေး။ ။

ဆက်ဖတ်ရန်...

“ကြိုး”

အနောက်ဘက်ဆီ
နေခြည်ဖြိုးဖျ၊ မှောင်ရီစပြီ
အိမ်ဝတံခါး၊ ခြံဝင်းနားမှာ
လာသွားခေါက်ပြန်၊ ရင်ခုန်မြန်ခဲ့
ရွှင်ပြန်ခဏ၊ပြုံးစမျက်နှာ
လူတွေ့မှာစိုး၊ ရယ်ပုန်းခိုးရင်း
့မြတ်နိုးခုံမင်၊ ပြင်ဆင်ချက်နွှေး
မွှေးပျံ့ငွေ့လူ၊ ညစာပူလည်း
သူရောက်ချိန်နှင့်၊ အဆင်သင့်လေ
ခင့်စေတနာ၊ ထင်ဟပ်မှာလား
ပါးပြင်နီသွေး၊ ရှက်ပူနွေးမိ။

နာရီကြည့်ကြည့်၊ မော့မိမိလေ
ထိထိလှုပ်လှုပ်၊ လက်များဆုတ်ကိုင်
ရောက်ချိန်တိုင်လို့၊ လာနိုင်ပါလည်း
မည်းမည်းမှောင်ပိတ်၊ ဟိုလမ်းထိပ်က
အရိပ်မှုန်ဝါး၊ သူလေလားလို့
ထင်မှားမိမော၊ စိတ်လည်းစောခဲ့။

လလည်းမသာ၊ ကြယ်ပြာမလင်း
ညမင်းရင့်ရော်၊ ပြန်ချိန်ကျော်ပေါ့
ရိုက်ဆော်တီးခတ်၊ အပ်ကြောင်းထပ်ပြန်၊
နာရီသံများ၊ စိတ်ချောက်ခြားမိ
ဘုရားရှေ့မှောက်၊ ဆုပန်ရောက်ရင်း
ဘေးကင်းရန်ကွာ၊ သူပြန်လာဖို့
ခါခါသက်ပြင်း၊ စိတ်ကိုတင်းရ။

သြော်... လွန်လှပြီကွယ်၊ ဘယ်ဆီရယ်လို့
ဘယ်လိုကျိုးကြောင်း၊ မပြောကောင်းလား
နှောင်းပေါ့ညစာ၊အေးစက်မာပြီ
စိတ်နာဒေါသ၊မီးတစ်စဖြစ်
ရင်ဝလှိုက်ပူ၊ ဘလောင်ဆူမိ
သူဒီလြိုဖင့်၊ မကြာသင့်လေ
ဖွင့်ဟမြည်တမ်း၊ ခင့်နှုတ်ခမ်းလည်း
ယောင်ရမ်းကိုက်ခဲ၊ သွေးချင်းရဲပေါ့။

ဟော..
ပြောရင်းဒီမှာ၊ သူပြန်လာပြီ
ခြေရာကြွကြွ၊ ပြုံးစစနဲ့
အိမ်ဝတံခါး၊ရောက်ပြီလားဟင်
စကားကွယ်ချို့၊ နှုတ်ဝဆို့ပြီ
ဘယ်သို့ဘယ်ဖြင့်၊ မပြောနှင့်စဉ်
သခင့်ရင်ထက်၊ ခေါင်းကွယ်ဝှက်ရင်း
မက်မက်ရှိုက်ငင်ငိုမိသည် ။ ။

ဆက်ဖတ်ရန်...

ဂျစ်တူးနှင့် အတ္တ

အတ္တတဲ့...
ခွာချလိုက်ရတာ
ပြက္ခဒိန်တွေပဲ ကွာကျခဲ့ ။

အတ္တတဲ့...
လောင်ကျွမ်းနေလိုက်တာ
ငြိမ်းသတ်ဖို့ ရေတောင် မလောက်ခဲ့ ။

အတ္တတဲ့...
လှောင်ပြုံးရီနေလိုက်တာ
မုန်းစရာ မခိုးမခန့်နဲ့ ။

ငါကတော့... သူနဲ့ စစ်ခင်းနေဆဲ ။

ဆက်ဖတ်ရန်...

ရည်ရွယ်ချက်မဲ့ ဒေါသကြီးသူများ

-ဗျို့ ဆရာဝန်ကြီး.. ဘယ်သွားမလို့လဲဗျာ.
ဒီနေရာမှာ..
ဆေးကုမဲ့သူမရှိလို့ သေဘို့စောင့် နေသူတွေ အများကြီး..




-ဗျို့ ဗိသုကာပညာရှင်ကြီး.. ဘယ်သွားမလို့လဲဗျာ.
ဒီနေရာမှာ..
တိုက်အဖြစ် ဘယ်တော့များမှ ပြောင်းရမလဲလို့ စောင့်နေတဲ့
တဲတွေ လည်ပင်းရှည် နေလေရဲ့..

-ဗျို့ စက်မှုအင်္ဂျင်နီယာကြီး.. ဘယ်သွားမလို့လဲဗျာ.
ဒီနေရာမှာ..
လယ်ထွန်ရတာ တော်တော်မောတယ်လို့ နွားတွေက ပြောနေကြပြီ..

-ဗျို့ ဓါတုဗေဒပညာရှင်ကြီး.. ဘယ်သွားမလို့လဲဗျာ.
ဒီနေရာမှာ..
ရေသန့်လို့ တံဆိပ်ကပ်ထားတာနဲ့
မယုံ့ တယုံ သောက်နေရသူတွေ တပုံကြီး..

-ဗျို့ လျှပ်စစ်စွမ်းအားအင်္ဂျင်နီယာကြီး.. ဘယ်သွားမလို့လဲဗျာ.
ဒီနေရာမှာ..
အနုပညာဆန်ဆန် သွယ်တန်းထားတဲ့ ဓါတ်ကြိုးတွေက
ခင်ဗျားကို လွှမ်းတယ်တဲ့..
လျှပ်စစ်မမြင် ဘူးသေးတဲ့လူတွေကလည်း မသေခင်
ဓါတ်ကြိုးအနုပညာလေးတော့ ခံစားချင်ပါသေးတယ်တဲ့..

-ဗျို့ ကျောင်းဆရာ.. ဘယ်သွားမလို့လဲဗျာ.
ဒီနေရာမှာ..
ဆရာမရှိ မိမိအလိုလို တတ်တယ်ဆိုတဲ့သူတွေတော့ မရှိဘူးဗျ..

-ဗျို့ IT ပညာရှင်ကြီး.. ဘယ်သွားမလို့လဲဗျာ.
အော်. မေ့လို့ သွားသွား ခင်ဗျားကိုမလိုသေးဘူး..
ဒီနေရာမှာ..
စက်မှုတော်လှန်ရေး ခုမှစတာ..

-ဗျို့ စာရေးဆရာ.. ဘယ်သွားမလို့လဲဗျာ.
အော်.. ခင်ဗျားလည်း သွားရင်သွားပါ..
ဒါပေမဲ့.. အင်္ဂလိပ်စာမတတ်သူတွေကပြောတယ်..
ခင်ဗျားဘာတွေ ရေးနေတာလည်းတဲ့..

-ဗျို့.. ခင်ဗျားဘယ်သူလည်း ? ဒီမှာဘာလုပ်နေတာလဲ ?
ဗျာ ? ………………. ဘာ? …………
အော်သိပြီ…
ဒါဆို သွားတော့.. ဒိုးတော့.. လစ်တော့..
ဝေးဝေးကြီးမှာ ပြေးသေလိုက်တော့...
(ခေါင်းမာတယ်.. ဒီလောက်ပြောတာတောင် ပေကတ်ကတ်နဲ့)

-နေသာတဲ့ တနေ့ ပြန်လာမယ် မပြောပါနဲ့..
ခင်ဗျားတို့ လာမှ နေသာရမဲ့ ဒီနေရာပါ..
လောလောဆယ်တော့
ဒီနေရာမှာ..
ဆာလောင်နေတဲ့ ၀မ်းဗိုက်တွေရှိတယ်..
မျှော်လင့်နေတဲ့ မျက်ဝန်းတွေရှိတယ်..
ပန်းတိုင်ပျောက်နေတဲ့ ကလေးတွေရှိတယ်..

-ဗျာ.. လေသံမာတယ်…
ကျနော် ဘာကောင်လဲ…
ဟုတ်လား…
ကျနော် တစ္ဆေတကောင်ပါ.....
ဟုတ်တယ်.. တစ္ဆေတကောင်……….
သချို င်္င်းအဖျက် ခံရတဲ့ တစ္ဆေတကောင်ဗျ !!!!! ………

ဆက်ဖတ်ရန်...

Traveller

ဒီဘက်မှာ..
စိမ်းလန်းလှပတဲ့ တောအုပ်ကြီးတွေရှိပေမဲ့
အချိန်တခုခုရောက်ရင်တော့ ခြောက်သွေ့မယ်တဲ့…


ဒီဘက်မှာ..
ရိုးသားခြင်း ဖြူစင်ခြင်း နဲ့
အပူပင်ကင်းခြင်းတွေရှိပေမဲ့
ကလေးဘ၀ကပဲ ခပ်များများပိုင်ဆိုင်တာတဲ့..

ဒီဘက်မှာ..
ချစ်ခြင်း၊ ပျော်ရွှင်ခြင်း နဲ့ အောင်မြင်ခြင်း တွေရှိပေမဲ့
မုန်းခြင်း၊ ၀မ်းနည်းခြင်း နဲ့ ကျရှုံးခြင်းတွေ လည်းပြန်ဖြစ်လာမှာတဲ့..

ဒီဘက်မှာ..
အံ့မခန်း နည်းပညာတွေ ရှိပေမဲ့
လူတွေကို အပျင်းထူစေသတဲ့..

ဒီဘက်မှာ..
ငွေကြေးစည်းစိမ်တွေကို ခံစားနိုင်ခွင့်ပေးထားပေမဲ့
ပွဲပြီးရင်တော့ထားခဲ့ရမှာတဲ့..

ဒီဘက်မှာ..
တောင်တွေ ချိုင့်ဝှမ်းတွေ ပြည့်နေတယ်
ရယ်သံတွေ ငိုသံတွေက လေထုထဲမှာ ကြိတ်ကြိတ်တိုးတုန်း..
အမဲလိုက်ကပွဲ ဆင်နွဲ နေတဲ့ တောအုပ်ကြီးလည်းရှိတယ်
ပန်းတွေက မကြွှေခင်အထိတော့ လှပစွာပွင့်တုန်း..
အမြင်တွေနဲ့ ယုံကြည်မှုကို အသက်သွင်းထားတဲ့
အရာဝတ္တု တခုစီတိုင်းမှာ ကုန်ဆုံးရက်စွဲတွေ သေသေချာချာ ကပ်ထားတယ်
ပုပ်သိုး ဆွေးမြေ့မှုတွေက ဒေါင့်တနေရာမှာ လျစ်လျူရှုခံရတုန်း..
ဒေါသ၊ လောဘနဲ့ မောဟတွေကို တလှဲ့စီ စားသုံးတယ်
နွားတွေက ဆီဆုံကိုအထပ်ထပ်ပတ်ပြီး ကြိတ်တုန်း..

ဟိုဘက်မှာ..
ဟိုဘက်မှာ..
ဟိုဘက်မှာတော့ တခုပဲ ရှိတယ်..
အနတ္တတဲ့..

ဆက်ဖတ်ရန်...

မြေခပန်း

ချစ်သူ . . .
ရှင်မွှေးလွန်းနဲ့မင်းနန္ဒာဇာတ်သိမ်းကို ပြင်ပေးဖို့
ငယ်ငယ်က အမေဆီမှာတောင်းဆိုဘူးတယ်
ခွန်ဆန်လောနဲ့နန်းဦးပြင် ဇာတ်သိမ်းကို
ပြင်ရေးလို့ စာမေးပွဲလဲကျခဲ့ဘူးတယ်
ရှိတ်စပီးယားသာ ငါ့အဖိုးဖြစ်ခဲ့ရင်
ယိုမီရိုနဲ့ဂျူးလိယက် ဇာတ်သိမ်းကိုပြင်ခိုင်းမိမှာပဲ

ချစ်သူ . . .
မင်းနဲ့ဝေးတဲ့ငါ့ရင်မှာ အလွမ်းတွေဝေနေတယ်
အဲဒီအလွမ်းတွေသာ ပန်းတွေဖြစ်ခဲ့မယ်ဆိုရင်
အဲဒီပန်းတွေကို မင့်ခေါင်းမှာပန်ပေးလိုက်ချင်ပါတယ်

ချစ်သူ . . .
အဲဒီပန်းတွေက . . .
သဇင်လို တော်မ၀င်ဘူး
ကျူးလစ်လို အရောင်သွေးမစုံဘူး
ရနံ့ကလဲ မွှေးချင်မှမွှေးမယ်
ဒါပေမယ့် ကိုယ်ပေးတဲ့ပန်းက ရာနှုန်းပြည့်ဖြူစင်ပါတယ်


ချစ်သူ . . .
အဆင့်ချင်းမတူလို့ မနမ်းရှိုက်လိုလဲ
အမိုက်သရိုက်လို မြေမှာချနင်းလိုက်ပါ
နင်းခြေသူကို စူးစေမဲ့
နှင်းဆီလိုဆူးမျိုးလဲ ငါ့အလွမ်းတွေမှာတပ်မထားပါဘူး
လေအလာမှာမြေခတဲ့ ကြွေကျပေးမဲ့ခရေလိုပန်းမျိုးပါ

ချစ်သူ . . .
လေအလာမှာ ကြွေကျတဲ့ခရေလို
ငါ့အချစ်တွေ မြေခကုန်ပြီ
နင်းလိုကနင်း ပန်လိုကပန်

ချစ်သူ . . .
တကယ်တော့ငါ
နင်ဘ၀ထဲကို ဗီဇာမပါဘဲဝင်ခဲ့သူလေ

ဆက်ဖတ်ရန်...

အမြဲစိမ်း

စိမ်းကားဖယ်ရှောင်
စိမ်းသယောင်ယိမ်း
စိမ်းခွာတိမ်းသော်

စိမ်းတော်မူစမ်း
စိမ်းရောင်လွှမ်းကာ
စိမ်းမာနနဲ့
စိမ်းသာပြတော့
စိမ်းကမ္ဘာက
စိမ်းဇာချသူ …။

ဆက်ဖတ်ရန်...

အပြာရောင်ပိတောက်

အဲဒီ
ပြာလဲ့နေတဲ့ ပိတောက်ပင်အောက်မှာ ..

ဆွံ့အနေတဲ့ စကားသံတွေ ရှိတယ် ..
ဟောင်ဖွာဟောင်ဖွာမုသာဝါဒတွေလည်း ရှိတယ်။

တိတ်တဆိတ်လဲလျောင်းနေတဲ့ လမ်းမကြီး ရှိတယ် ..
မာကျူရီတွေလင်းထိန်နေတဲ့ လမ်းမကြီးလည်း ရှိတယ်။

ဆေးကြောခံလိုက်ရတဲ့ သွေးစက်တွေရှိတယ် ..
နောင်တမရတဲ့ သားသတ်သမားတွေလည်း ရှိတယ်။

အခိုးခံလိုက်ရတဲ့ လွတ်လပ်မှုတွေ ရှိတယ် ..
ဇိမ်ကျနေတဲ့ အနိုင်ကျင့်မှုတွေလည်း ရှိတယ်။

ထိုးကျွေးလိုက်ရတဲ့ ညစာတွေ ရှိတယ် ..
မျက်လှည့်အပြခံလိုက်ရတဲ့ ငွေစက္ကူတွေလည်း ရှိတယ်။

လုယက်ခံလိုက်ရတဲ့ ရိုးသားခြင်းတွေ ရှိတယ် ..
သိလျက်နဲ့မိုက်တဲ့ ကလိန်ကကျစ်စရိုက်တွေလည်း ရှိတယ်။

အသံမမှန်တော့တဲ့ ဂစ်တာတစ်လက် ရှိတယ် ..
ပီပီသသကြေညာနေတဲ့ ရေဒီယိုသတင်းတွေလည်း ရှိတယ်။

ဘယ်သူ့ကိုမှမပေးဖြစ်တဲ့ အရာတစ်ချို့ ရှိတယ် ..
ဘယ်သူမှမသိနိုင်တဲ့ အဝေးကြီးကအိပ်မက်တစ်ချို့လည်း ရှိတယ်။

သေချာတာကတော့
အဲဒီ
ပြာလဲ့နေတဲ့ ပိတောက်ပင်အောက်မှာ ..
အ၀ါရောင်ပိတောက်တွေ အရင်ကလို ပြန့်ကျဲမနေဘူးဆိုတာပဲ။

ဆက်ဖတ်ရန်...

မင်းနဲ့ငါ

မင်းကအနောက်အရပ်ဆို

ငါကအရှေ့အရပ် ဒီလိုနဲ့

တို့နှစ်ယောက်ဘဝ

ဒီမြေပေါ်မှာတင်

နေထွက်နေဝင် လွဲခဲ့တာကြာပြီ။

ငါလက်နှစ်ဘက် ဆန့်ထုတ်ထားလည်း

ရွှေလင်ဗန်းက ရောက်မလာဘူး..

ဝိုင်တစ်ခွက် ဂစ်တာတစ်လက်နဲ့ပဲ

အရုဏ်တက်တော့မယ်။


မင်းပြိုမှာကြောက်တဲ့ “ငါ”

ယုန်တစ်ကောင်ပါ

မင်း မငြိုလိုက်ပါနဲ့၊

ငါ့ညမှာတော့

ကဝေသံညံနေတုန်းပဲ။

ဆက်ဖတ်ရန်...

အမှတ်တမဲ့

မှော်ဝင်တဲ့ ကြယ်စင်

သင့်ထံကို မြားတစ်စင်းပစ်လိုက်တယ်

ငါ့ကောင်းကင် လင်းလိုလင်းငြား။


အက်နေတဲ့ ရင်ခွင်မြစ်

သင့်ထံကို သံစဉ်လောင်းထည့်လိုက်တယ်

ငါ့ဝိဥာဉ် နိုးလိုနိုးငြား။


ဒဏ်ရာရ လွမ်းသစ်ပင်

သင့်ထံကို နေခြည်သွန်းလင်းလိုက်တယ်

ငါ့ရင်ခွင် ရှင်လိုရှင်ငြား။

ဆက်ဖတ်ရန်...

ဘူတာနဲ့ ရထား

တစ်စင်းပြီးတစ်စင်း

ဆိုက်ကပ်

ထွက်ခွာ

သြော်…..

ငါ့ဘူတာအိုတောင်

အသက်ရနေပြီ။

မင်းကတော့ ပြေးလွှားဆဲ

ဘူတာတွေ့တိုင်း ဆိုက်မယ်ဆိုတဲ့

အတွေးနဲ့....


ကပ်ချင်ကပ် ခွာချင်ခွာ

အားလုံးမင်းသဘောပါ

ဒါပေမယ့်

ငါ့အဖြူရောင် ဘူတာ

မစွန်းထင်းပါစေနဲ့။


အတိတ်၊

ပစ္စုပ္ပန်၊

အနာဂတ်၊

အနိုင်၊ အရှုံး

အားလုံး ဒီသံလမ်းပေါ်မှာပြေးလွှား

မျက်လှည့်ပြသလိုပါလား....


မင်းနောက်ကျောမှာ

မှတ်တိုင်တွေ ကြက်ခြေခတ်တွေချန်ခဲ့

အချိန်တန်ရင်တော အေးမြတဲ့ဘူတာမှာ

မင်း...မှေးစက်နိုင်ပါစေ။


အဆုံးမရှိတဲ့

ဒီမျဉ်းပြိုင်တွေပေါ်မှာ

ဝိဥာဉ်မခမ်းသရွေ့

ဆက်ခုတ်နေဦးပေါ့။

ဆက်ဖတ်ရန်...